प्रतिनिधी :
हायटेक इंग्लिश School, येणेगूर येथील विद्यार्थ्यांनी प्रथम वर्षीच एस.एस.सी. बोर्ड परीक्षेत घवघवीत यश संपादन करत शाळेचा १०० टक्के निकाल लागल्याची अभिमानास्पद कामगिरी केली आहे. विशेष म्हणजे, विशेष प्राविण्यासह ५ विद्यार्थी तर प्रथम श्रेणीत ४ विद्यार्थी उत्तीर्ण झाले आहेत.
प्रथमच बोर्ड परीक्षेला सामोरे जात असतानाही विद्यार्थ्यांनी उल्लेखनीय यश मिळवत शाळेच्या उज्ज्वल निकालाची परंपरा कायम राखली आहे. विद्यार्थ्यांच्या या यशामुळे परिसरात आनंदाचे वातावरण निर्माण झाले आहे.
यशस्वी विद्यार्थ्यांचे संस्थेचे सचिव लक्ष्मण जेकेकुरे, मुख्याध्यापिका सरस्वती मोरे तसेच शिक्षक अलका लामजने, माधुरी चेंडके, संपत गायकवाड, विनोद तुगाव, अनिल माने, इराप्पा मंडळे आणि पालकांनी अभिनंदन केले.
विद्यार्थ्यांच्या यशामागे शिक्षकांचे योग्य मार्गदर्शन, विद्यार्थ्यांची मेहनत आणि पालकांचे सहकार्य महत्त्वाचे ठरल्याचे मत मुख्याध्यापिकांनी व्यक्त केले.
यशस्वी विद्यार्थ्यांचा सत्कार सोहळा लवकरच आयोजित करण्यात येणार असून त्यांच्या पुढील शैक्षणिक वाटचालीसाठी शुभेच्छा देण्यात आल्या.
