आजरा : प्रतिनिधी
महाराष्ट्र राज्य माध्यमिक व उच्च माध्यमिक शिक्षण मंडळाने जाहीर केलेल्या इयत्ता दहावी (SSC) परीक्षेच्या निकालात कोल्हापूर जिल्ह्यातील आजरा तालुक्याने उल्लेखनीय यश संपादन केले आहे. तालुक्याचा एकूण निकाल तब्बल ९८.२८ टक्के लागला असून, २२ शाळांनी १०० टक्के निकालाची मानाची कामगिरी नोंदवली आहे.
आकडेवारी एका नजरेत
- एकूण प्रविष्ट विद्यार्थी : १,२२८
- एकूण उत्तीर्ण विद्यार्थी : १,२०७
- तालुक्याचा निकाल : ९८.२८%
- १००% निकाल लागलेल्या शाळा : २२
१०० टक्के निकाल लागलेल्या शाळा
भादवण हायस्कूल, कर्मवीर विद्यालय (चिमणे), मलीग्रे हायस्कूल, रोझरी इंग्लिश स्कूल (आजरा), भैरवनाथ हायस्कूल (बहिरेवाडी), वसंतरावदादा पाटील विद्यालय (उत्तुर), सरस्वती हायस्कूल (हत्तीवडे), आप्पासाहेब गायकवाड हायस्कूल (महागोंड), आदर्श हायस्कूल (शिरसंगी), राजाभाऊ केसरकर हायस्कूल (निंगुडगे), चाफवडे हायस्कूल, माध्यमिक विद्यालय (आरदाळ), मडीलगे हायस्कूल, चोरगे विद्यालय (बेलेवाडी हुबळगी), पंडित दीनदयाळ विद्यालय (आजरा), दाभील हायस्कूल, केदारी रेडेकर हायस्कूल (पेद्रेवाडी), आदर्श माध्यमिक विद्यालय (सरंबळवाडी), रवळनाथ हायस्कूल (देवर्डे), माध्यमिक विद्यालय (कोळिंद्रे), पार्वती शंकर विद्यालय (उत्तुर) आणि डायनामिक पब्लिक स्कूल (सुळेरान) यांनी शंभर टक्के निकालाची नोंद केली.
इतर प्रमुख शाळांचा निकाल
- व्यंकटराव हायस्कूल, आजरा – ९८.९८%
- आजरा हायस्कूल, आजरा – ९७.८३%
- बापूसाहेब सरदेसाई आदर्श हायस्कूल, गवसे – ९६.४२%
- डॉ. झाकीर हुसेन अँग्लो उर्दू हायस्कूल, आजरा – ९५.८३%
- वाटंगी हायस्कूल – ९५.८३%
- उत्तुर विद्यालय – ९५.२३%
- पेरणोली हायस्कूल – ९५.२३%
- एरंडोल हायस्कूल – ९०.००%
- छत्रपती शिवाजी विद्यालय, होन्याळी – ८५.७१%
विद्यार्थी व पालकांमध्ये जल्लोष
निकाल ऑनलाईन जाहीर होताच आजरा तालुक्यात आनंदाचे वातावरण पसरले. यशस्वी विद्यार्थ्यांनी फटाक्यांची आतषबाजी करत व पेढे वाटून आनंद साजरा केला. पालकांनी आणि शिक्षकांनी विद्यार्थ्यांचे अभिनंदन करत त्यांच्या पुढील शैक्षणिक वाटचालीस शुभेच्छा दिल्या.
