कुरुंदवाड : प्रतिनिधी
महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी-मार्च 2026 मध्ये घेण्यात आलेल्या इयत्ता दहावी (SSC) परीक्षेचा निकाल शुक्रवारी दुपारी ऑनलाईन जाहीर झाला. यामध्ये शिरोळ तालुक्याने 96.14 टक्के निकालाची उल्लेखनीय कामगिरी नोंदवली असून, तालुक्यातील तब्बल 80 पैकी 27 शाळांचा निकाल शंभर टक्के लागला आहे.
तालुक्यातील कुरुंदवाड येथील शिक्षण प्रसारक मंडळाच्या विविध शाखांनीही उज्ज्वल यश संपादन केले. सीताबाई पटवर्धन हायस्कूलच्या कु. श्रुती दत्तात्रय कुरुंदवाडे हिने 98.60 टक्के गुण मिळवत कुरुंदवाड केंद्रात प्रथम क्रमांक पटकावला.
तालुक्यातून एकूण 4 हजार 957 विद्यार्थी परीक्षेस प्रविष्ट झाले होते. त्यापैकी 4 हजार 766 विद्यार्थी उत्तीर्ण झाले. निकाल जाहीर होताच शाळा, नेट कॅफे, ई-सेवा केंद्रे तसेच विविध ठिकाणी विद्यार्थी आणि पालकांनी मोठी गर्दी केली होती.
शिक्षण प्रसारक मंडळाच्या शाळांचा निकाल पुढीलप्रमाणे :
सीताबाई पटवर्धन हायस्कूल, कुरुंदवाड
एकूण निकाल : 96.76 टक्के
- श्रुती दत्तात्रय कुरुंदवाडे – 98.60%
- आदित्य विजय घोरपडे – 97.20%
- प्रथमेश जितेंद्र कुलकर्णी – 94.80%
सौ. विमलाबाई खंडेराव माने कन्या माध्यमिक विद्यालय, कुरुंदवाड
एकूण निकाल : 91.42 टक्के
- अनुष्का दीपक कांबळे – 85.40%
- रेवती रावसाहेब कागले – 84.29%
- ऋणाली संतोष भोळे – 82%
सैनिकी पॅटर्न निवासी शाळा, कुरुंदवाड
एकूण निकाल : 100 टक्के
- अनिकेत प्रशांत बागल – 93.20%
- दर्शन राहुल डांगे – 91.20%
- अवधूत चंद्रकांत बोडरे – 90.40%
कलाश्री डॉ. बा. ग. पवार आलास-बुबनाळ हायस्कूल, आलास
एकूण निकाल : 95.65 टक्के
- ऋतुजा राजेंद्र उपाध्ये – 92%
- ज्ञानेश्वरी लक्ष्मण निरगुंदे – 91.80%
- स्वस्तिक मनोज दानोळे – 90.60%
या यशस्वी विद्यार्थ्यांना शिक्षण प्रसारक मंडळाचे चेअरमन शरदचंद्र पराडकर यांचे प्रोत्साहन तसेच विविध शाळांचे मुख्याध्यापक व शिक्षकांचे मार्गदर्शन लाभले. निकाल प्रक्रियेसाठी वरिष्ठ लिपिक अनिल चव्हाण यांनी तत्परतेने ऑनलाईन प्रक्रिया राबवून विद्यार्थ्यांना विनाअडथळा निकाल उपलब्ध करून दिला. त्यामुळे विद्यार्थ्यांचा आनंद द्विगुणित झाला आहे.
