नायगाव प्रतिनिधी :
विश्वरत्न भारतरत्न संविधान निर्माते डॉ. बाबासाहेब आंबेडकर यांचे नातू तथा वंचित बहुजन आघाडीचे राष्ट्रीय अध्यक्ष बहुजन हृदयसम्राट ॲड. बाळासाहेब आंबेडकर यांचा ७२ वा वाढदिवस “स्वाभिमानी दिवस” म्हणून उत्साहात साजरा करण्यात आला.
या निमित्ताने वंचित बहुजन आघाडीच्या वतीने नायगाव येथील ग्रामीण रुग्णालयात रुग्णांना फळे व शुद्ध पाण्याच्या बाटल्यांचे वाटप करण्यात आले. सामाजिक बांधिलकी जपत रुग्णसेवेचा संदेश देणारा हा उपक्रम कौतुकास्पद ठरला.
यावेळी वंचित बहुजन आघाडी नांदेड दक्षिणचे जिल्हा सल्लागार भगवान हणमंते आंचोलीकर, वंचित बहुजन युवा आघाडी नांदेड (दक्षिण) चे जिल्हा उपाध्यक्ष दिपक माधवराव गजभारे घुंगराळेकर, भारतीय बौद्ध महासभेचे नायगाव तालुकाध्यक्ष अनिल गायकांबळे सर, माजी तालुकाध्यक्ष साहेबराव कोपरेकर, माजी उपाध्यक्ष सतीश वाघमारे, प्रभाकर घंटेवाड, विलास वाघमारे, गौतम धडेकर, गौतम हणमंते, संतोष भालेराव, विनोद भालेराव, गुरुनाथ गायकवाड, साईनाथ नामवाडे आदी पदाधिकारी उपस्थित होते.
तसेच नायगाव ग्रामीण रुग्णालयातील वैद्यकीय अधिकारी डॉ. लोंढे सर, डॉ. बनसोडे सर, स्वामी सिस्टर, भिमराव डूमणे, कदम मामा, गंगोत्री मामा, पाळेकर मामा, शहापुरे गार्ड, परिचारिका व इतर कर्मचारी यांचीही उपस्थिती होती.
उपस्थितांनी ॲड. बाळासाहेब आंबेडकर यांच्या सामाजिक कार्याचा गौरव करत त्यांच्या दीर्घायुष्यास शुभेच्छा दिल्या.
