प्रतिनिधी | वर्धा
सावंगी (मेघे) पोलीसांनी अवैध दारू विक्रीविरोधात धडक कारवाई करत ७१ हजार ९०० रुपयांचा मुद्देमाल जप्त केला आहे. ही कारवाई ईंजापूर येथील ‘कशीश रेस्टॉरंट’वर करण्यात आली.
सावंगी (मेघे) पोलीस स्टेशनचे पथक परिसरात पेट्रोलिंग करत असताना मुखबिराकडून माहिती मिळाली की, वर्धा ते वायगाव (निपाणी) रोडलगत असलेल्या कशीश रेस्टॉरंटमध्ये अवैधरित्या देशी-विदेशी दारूची विक्री सुरू असून ग्राहकांना बसून मद्यपान करण्याची सुविधा उपलब्ध करून देण्यात आली आहे.
माहितीच्या आधारे पोलिसांनी पंचांसह घटनास्थळी छापा टाकला असता, शंकर दानानी हा पोलीस आल्याची चाहूल लागताच मागील दरवाजाने पसार झाला. पंचांसमक्ष हॉटेलची तपासणी केली असता एका खोलीत प्लास्टिक टेबल-खुर्च्यांवर बसून ग्राहक मद्यपान करताना आढळले.
यावेळी पोलिसांनी खालील मुद्देमाल जप्त केला :
- ऑफीसर चॉईस कंपनीच्या १८० एमएलच्या १२ विदेशी दारूच्या सिलबंद बाटल्या
- किंगफिशर कंपनीच्या ५०० एमएलच्या २ बिअर कॅन
- ३ स्टील ग्लास
- ४ प्लास्टिक खुर्च्या
- २ प्लास्टिक टेबल
- एक जुना फ्रीज
असा एकूण ७१ हजार ९०० रुपयांचा मुद्देमाल जप्त करण्यात आला.
या प्रकरणी आरोपी :
- शंकर दानानी (रा. पोद्दार बगीचा, रामनगर, वर्धा – पसार)
- राहुल अरुणराव बोरले (वय ३८, रा. ईंजापूर)
- सुनील देवेंद्रकुमार बहल (वय ४४, रा. रामनगर, वर्धा)
- प्रविण चिंधुजी कांबळे (वय ४४, रा. समतानगर, वर्धा)
यांच्याविरोधात गुन्हा नोंद करण्यात आला असून पुढील तपास सुरू आहे.
ही कारवाई पोलीस अधीक्षक सौरभ कुमार अग्रवाल, अप्पर पोलीस अधीक्षक सदाशिव वाघमारे आणि उपविभागीय पोलीस अधिकारी प्रमोद मकेश्वर यांच्या मार्गदर्शनाखाली सावंगी (मेघे) पोलीस स्टेशनचे ठाणेदार सहाय्यक पोलीस निरीक्षक पंकज वाघोडे, पोहवा अभय खोब्रागडे, पोशी शाम सलामे, पोशी गौरव नरताम आणि मपोशी अंजली गाडेकर यांच्या पथकाने केली.
