प्रतिनिधी | वर्धा
राष्ट्रपिता महात्मा गांधी यांची कर्मभूमी म्हणून ओळखल्या जाणाऱ्या वर्धा शहरात मंगळवारी (दि. १२ मे २०२६) एक धक्कादायक प्रकार समोर आला. शहरातील महात्मा गांधी यांच्या पुतळ्यावर एका व्यक्तीने नग्न अवस्थेत चढून विटंबना केल्याची घटना घडली असून, यामुळे शहरात संतापाचे वातावरण निर्माण झाले आहे.
घटनेची माहिती मिळताच परिसरात नागरिकांची मोठी गर्दी झाली. महापुरुषांच्या पुतळ्यांची वारंवार होणारी विटंबना रोखण्यासाठी प्रशासनाने कठोर उपाययोजना कराव्यात, अशी मागणी नागरिकांकडून करण्यात येत आहे.
“अशा घटनांना आळा कोण घालणार?” असा संतप्त सवाल नागरिकांनी शासन आणि प्रशासनाला केला आहे.
दरम्यान, संबंधित व्यक्तीची ओळख अद्याप पटलेली नसून पोलिसांकडून पुढील तपास सुरू असल्याची माहिती मिळाली आहे.
