शहादा, दि.१४ (प्रतिनिधी)
येथील पूज्य साने गुरुजी विद्या प्रसारक मंडळ संचलित डी. एन. पटेल अभियांत्रिकी महाविद्यालयात ‘पर्व २०२६’ हा सांस्कृतिक महोत्सव उत्साहपूर्ण वातावरणात साजरा करण्यात आला. या महोत्सवाच्या माध्यमातून विद्यार्थ्यांनी विविध कलागुणांचे प्रभावी सादरीकरण करून उपस्थितांची मने जिंकली.
कार्यक्रमाची सुरुवात मान्यवरांच्या हस्ते दीपप्रज्वलन करून तसेच मंडळाचे संस्थापक स्व. अण्णासाहेब पी. के. पाटील आणि सरस्वती मातेच्या प्रतिमेस पुष्पहार अर्पण करून करण्यात आली.
यावेळी संस्थेच्या सचिव स्व. श्रीमती कमलताईसाहेब पाटील यांच्या शैक्षणिक आणि सामाजिक क्षेत्रातील उल्लेखनीय कार्याचे गौरवपूर्वक स्मरण करण्यात आले. विद्यार्थ्यांनी त्यांना भावपूर्ण श्रद्धांजली अर्पण केली.
सांस्कृतिक कार्यक्रमात विद्यार्थ्यांनी नृत्य, गायन आणि विविध कलाप्रकार सादर करून उपस्थितांना मंत्रमुग्ध केले. कार्यक्रमाच्या यशस्वितेसाठी सांस्कृतिक मंडळाच्या अध्यक्षा प्रा. जयश्री पाटील यांच्यासह प्रा. यु. यु. पाटील, प्रा. वाय. ओ. पाटील, प्रा. मिलिंद पाटील, प्रा. अंकुश पाटील, प्रा. ए. बी. कोळी, प्रा. व्ही. एस. काळे, प्रा. एन. डी. पाटील, प्रा. राकेश मोरे, प्रा. व्ही. ओ. पाटील, प्रा. प्रियांका सोनार, प्रा. रिया रोकडे, प्रा. ज्योत्स्ना चौधरी आणि प्रा. रोहिणी पाटील यांनी विशेष परिश्रम घेतले.
तर पर्यवेक्षक म्हणून प्रा. एच. जी. पाटील आणि प्रा. के. वाय. चौधरी यांनी जबाबदारी सांभाळली.
कार्यक्रमाच्या यशाबद्दल मंडळाचे अध्यक्ष बापूसाहेब दीपकभाई पाटील, उपाध्यक्ष जगदीश पाटील, समन्वयक प्रा. मकरंद पाटील, संचालक मयूर पाटील तसेच संस्थेचे प्राचार्य डॉ. एन. जे. पाटील, डॉ. सी. पी. पटेल आणि आयटीआयचे प्राचार्य आर. एस. पाटील यांनी विद्यार्थ्यांचे व आयोजकांचे कौतुक केले.
विविध समित्यांच्या संयुक्त प्रयत्नातून ‘पर्व २०२६’ हा सांस्कृतिक सोहळा दिमाखात संपन्न झाला.
