लातूर | दि. १४ प्रतिनिधी
लातूर ग्रामीण विधानसभा मतदारसंघातील रेणापूर व लातूर तालुका संजय गांधी निराधार योजना समितीची नव्याने गठण करण्यात आली आहे. भाजपा नेते तथा आमदार रमेशआप्पा कराड यांच्या शिफारशीनुसार या समित्यांची स्थापना करण्यात आली असून रेणापूर तालुका समितीच्या अध्यक्षपदी सतीश आंबेकर यांची, तर लातूर तालुका समितीच्या अध्यक्षपदी बन्सी भिसे यांची नियुक्ती करण्यात आली आहे. या निवडीचे विविध स्तरांतून स्वागत करण्यात येत आहे.
जिल्ह्याचे पालकमंत्री ना. शिवेंद्रसिंहराजे भोसले यांच्या मार्गदर्शनाखाली जिल्हाधिकारी डॉ. भारत बास्टेवाड यांनी १३ मे २०२६ रोजी नियुक्तीपत्र जारी केले. त्यानुसार दोन्ही तालुक्यांतील अध्यक्ष व सदस्यांची अधिकृत निवड जाहीर करण्यात आली.
रेणापूर तालुका समिती
रेणापूर तालुका संजय गांधी निराधार योजना समितीच्या अध्यक्षपदी सतीश रावसाहेब आंबेकर (नरवटवाडी) यांची निवड करण्यात आली आहे. समिती सदस्य म्हणून ललिता अरुण कांबळे (पानगाव), कस्तुराबाई आत्माराम माने (चाडगाव), विठ्ठल काशीनाथ कसपटे (निवाडा), संजय लक्ष्मण चव्हाण (रेणापूर), गोविंदराव नानासाहेब देशमुख (डी. देशमुख), सदानंद केदारनाथ पिंपळे (खरोळा), विरेंद्रसिंह गोविंदसिंह चौहान (पानगाव), सतीश उद्धवराव जाधव (बिटरगाव) आणि सुरेश रामराव बुड्डे (आनंदवाडी) यांचा समावेश करण्यात आला आहे.
लातूर तालुका समिती
लातूर तालुका समितीच्या अध्यक्षपदी बन्सी भगवानराव भिसे (सारसा) यांची नियुक्ती करण्यात आली आहे. सदस्य म्हणून परमेश्वर माधवराव पर्वते (शिवणी), स्वाती किशोर घुटे (एकुरगा), संतोष नारायण गायकवाड (सलगरा बु.), अंकुश हरिभाऊ कुंभार (मुरुड), विनायक मल्हारी मगर (रामेगाव), सदाम रशीद शेख (मुरुड), सदाशिव सोपान गव्हाने (सलगरा), रुपेश सूर्यकांत काळे (भातखेडा) आणि बाबासाहेब साहेबराव भिसे (गाधवड) यांचा समावेश करण्यात आला आहे.
नवनियुक्त अध्यक्ष व सदस्यांचे विविध राजकीय, सामाजिक आणि शासकीय स्तरांतून अभिनंदन करण्यात येत असून, निराधार नागरिकांच्या योजनांची प्रभावी अंमलबजावणी करण्यासाठी समित्या सक्रियपणे कार्य करतील, अशी अपेक्षा व्यक्त केली जात आहे.
