भडगाव प्रतिनिधी :
राजमाता गोमाता संवाद यात्रा येत्या २ जुलै रोजी दुपारी जळगाव जिल्ह्यात दाखल होणार असून, त्या पार्श्वभूमीवर जळगाव येथील आर. सी. बाफना गोशाळेत नियोजन व आढावा बैठक आयोजित करण्यात आली होती.
या बैठकीला गोसेवा आयोगाचे सदस्य डॉ. सुनील सूर्यवंशी प्रमुख उपस्थित होते. तसेच सहाय्यक पशुसंवर्धन अधिकारी डॉ. अनिल शिंदे, डॉ. घनश्याम धांडे, बन्सीलाल जैन, दीपक पाटील, डॉ. योगेश पाटील, विनायक सोनवणे, प्रवीण पाटील, राहुल दादा पाच राऊत, सुनील पाटील, विशाल देवरे, गोपाल महाजन, पत्रकार विलास पाटील यांच्यासह जिल्ह्यातील विविध गोशाळांचे संचालक व सदस्य मोठ्या संख्येने उपस्थित होते.
बैठकीत राजमाता गोमाता संवाद यात्रेचे नियोजन, स्वागत व्यवस्था तसेच जिल्ह्यातील गोशाळांच्या विविध प्रश्नांवर चर्चा करण्यात आली. यात्रेद्वारे गोसंवर्धन आणि गोसेवेबाबत जनजागृती करण्यावरही भर देण्यात आला.
या बैठकीसाठी आर. सी. बाफना गोशाळेचे अध्यक्ष, संचालक मंडळ तसेच सर्व कर्मचाऱ्यांचे विशेष सहकार्य लाभले.
