जामखेड प्रतिनिधी
जामखेड तालुक्यातील पिंपरखेड येथील विद्यार्थिनी प्रांजल करण ढवळे हिने दहावी परीक्षेत ९० टक्के गुण मिळवून उल्लेखनीय यश संपादन केले. तिच्या या यशाबद्दल क्रिएटिव्ह सायन्स अकॅडमी यांच्या वतीने विशेष गुणगौरव करण्यात आला.
बारामती येथे आयोजित कार्यक्रमात प्रांजल ढवळे हिचा तसेच तिचे वडील करण अंकुश ढवळे यांचा सत्कार करण्यात आला. यावेळी विद्यार्थिनीला १६ हजार रुपयांचे रोख बक्षीस देण्यात आले.
ग्रामीण भागातील विद्यार्थिनी असूनही जिद्द आणि चिकाटीच्या जोरावर प्रांजलने हे यश मिळविल्याने परिसरातून तिचे कौतुक होत आहे.
या कार्यक्रमास अकॅडमीचे संचालक काळे सर, घाडगे सर, शिक्षकवृंद तसेच विद्यार्थी मोठ्या संख्येने उपस्थित होते.
