चिखली | प्रतिनिधी
विकासभाऊ साने सोशल फाउंडेशन, श्री क्षेत्र टाळगाव चिखली यांच्या वर्धापन दिनानिमित्त चिखली परिसरातील इयत्ता १० वी व १२ वी मधील गुणवंत विद्यार्थ्यांच्या सन्मानार्थ भव्य गुणगौरव समारंभाचे आयोजन करण्यात आले आहे. हा कार्यक्रम मंगळवार, दि. ९ जून २०२६ रोजी सायंकाळी ४ ते ६ या वेळेत संत तुकाराम महाराज हॉल, चिखली येथे संपन्न होणार आहे.
या उपक्रमासाठी चिखली पोलीस स्टेशनचे मार्गदर्शक श्री. साळुंखे साहेब यांचे मार्गदर्शन लाभणार आहे. विद्यार्थ्यांनी इयत्ता १० वी किंवा १२ वीची गुणपत्रिका (झेरॉक्स), आधार कार्ड झेरॉक्स, पासपोर्ट आकाराचा फोटो व संपर्क क्रमांकासह अर्ज सादर करावेत. ९५ टक्क्यांपेक्षा अधिक गुण मिळविणाऱ्या विद्यार्थ्यांना प्राधान्य देण्यात येणार असून विद्यार्थ्यांनी पालकांसह उपस्थित राहणे आवश्यक असल्याचे आयोजकांनी स्पष्ट केले आहे.
फॉर्म जमा करण्याची अंतिम तारीख ७ जून २०२६ असून अर्ज विकासभाऊ साने जनसंपर्क कार्यालय, चिखली येथे स्वीकारण्यात येत आहेत.
याच वर्धापन दिनानिमित्त रविवार, दि. ७ जून २०२६ रोजी सकाळी ९ ते सायंकाळी ५ वाजेपर्यंत विकासभाऊ साने जनसंपर्क कार्यालय, चिखली येथे भव्य रक्तदान शिबिराचेही आयोजन करण्यात आले आहे. रक्तदान करणाऱ्या प्रत्येक रक्तदात्यास आकर्षक भेटवस्तू देण्यात येणार असल्याची माहिती आयोजकांनी दिली.
या सामाजिक उपक्रमांद्वारे शिक्षण क्षेत्रातील गुणवंत विद्यार्थ्यांचा गौरव करण्याबरोबरच समाजात रक्तदानाबाबत जनजागृती निर्माण करण्याचा प्रयत्न असल्याचे फाउंडेशनचे संस्थापक व अध्यक्ष विकास नामदेव साने यांनी सांगितले.
नागरिकांनी व विद्यार्थ्यांनी या दोन्ही उपक्रमांमध्ये मोठ्या संख्येने सहभागी व्हावे, असे आवाहन आयोजकांच्या वतीने करण्यात आले आहे.
