प्रतिनिधी
जागतिक पर्यावरण दिनाचे औचित्य साधून “एक झाड लावा, पर्यावरण वाचवा” या संदेशातून वृक्षारोपण कार्यक्रम उत्साहात पार पडला. हरित आणि समृद्ध भविष्यासाठी नितीन दादासाहेब वसेकर यांच्या शेतात विविध वृक्षांची लागवड करण्यात आली.
पर्यावरण संवर्धनाचा संदेश देणाऱ्या या उपक्रमात कृषी विभाग व कृषी विज्ञान केंद्रातील तज्ज्ञांनी सहभाग घेतला. यावेळी तालुका मंडळ कृषी अधिकारी कौलगे साहेब, अकोला मंडळ कृषी अधिकारी अजित वसेकर, कृषी विज्ञान केंद्राच्या तज्ज्ञ डॉ. स्वाती कदम, पीक संरक्षण तज्ज्ञ डॉ. पंकज मडावी तसेच अन्नशास्त्र व तंत्रज्ञान तज्ज्ञ दिनेश क्षीरसागर उपस्थित होते.
तसेच पाटकुळ गावचे कृषी सहाय्यक राजकुमार येवले, कृषी मित्र ज्ञानेश्वर वसेकर, पंकज वसेकर, अमोल पवार, दीपक काळे, बालाजी आदलिंगे, यश घोडके, आप्पासाहेब वसेकर, नितीन वसेकर, दीपक भंडारे, बंडू वसेकर, बालाजी राऊत, ऋषिकेश माने, महेश वसेकर यांच्यासह अनेक शेतकरी बांधवांनी वृक्षारोपणात सहभाग घेतला.
यावेळी उपस्थित मान्यवरांनी पर्यावरण संतुलन राखण्यासाठी प्रत्येकाने किमान एक झाड लावून त्याचे संवर्धन करण्याचे आवाहन केले. वाढते तापमान, घटणारे हरित क्षेत्र आणि बदलते हवामान यांचा विचार करता वृक्षलागवड ही काळाची गरज असल्याचे मत व्यक्त करण्यात आले.
वृक्षारोपणानंतर उपस्थितांनी लावलेल्या रोपांचे संगोपन करण्याची शपथ घेत पर्यावरण संरक्षणासाठी सातत्याने कार्य करण्याचा निर्धार व्यक्त केला. हा उपक्रम पर्यावरण संवर्धनासाठी प्रेरणादायी ठरला. 🌳🌱
