श्रीगोंदा | प्रतिनिधी
महाराष्ट्र राज्य ग्रामपंचायत कर्मचारी संघटना (आयटक) श्रीगोंदा तालुक्याची बैठक रविवार, दि. ७ जून २०२६ रोजी श्रीगोंदा पंचायत समिती सभागृहात उत्साहात पार पडली. या बैठकीत संघटनेच्या नवीन तालुका कार्यकारिणीची निवड करण्यात आली असून, धीरज गौतम थोरात यांची तालुकाध्यक्षपदी सर्वानुमते निवड करण्यात आली.
बैठकीस महाराष्ट्र राज्य ग्रामपंचायत कर्मचारी संघटना (आयटक) चे राज्य उपाध्यक्ष ॲड. सुधीर टोकेकर तसेच राज्य कार्यकारिणी सदस्य बाळासाहेब आल्हाट प्रमुख उपस्थित होते. यावेळी कर्मचाऱ्यांच्या विविध प्रलंबित प्रश्नांबाबत ॲड. टोकेकर यांनी कायदेविषयक सखोल मार्गदर्शन केले. तर बाळासाहेब आल्हाट यांनी ग्रामपंचायत कर्मचाऱ्यांवर होणारा अन्याय सहन केला जाणार नसल्याची ठाम भूमिका मांडत कर्मचाऱ्यांच्या हक्कांसाठी संघटना कायम लढा देईल, असा विश्वास व्यक्त केला.
यावेळी संघटनेची नवीन कार्यकारिणी जाहीर करण्यात आली. त्यानुसार बाळासाहेब आल्हाट यांची कार्याध्यक्ष, ज्ञानदेव साळवे यांची उपाध्यक्ष, महादेव शेळके यांची कार्याध्यक्ष (कार्यकारी उपाध्यक्ष), सिद्धार्थ ओहोळ यांची उपाध्यक्ष, निलेश हुलसर यांची तालुका सचिव, खंडू कुरुमकर व नितीन कुरुमकर यांची सहसचिव, तर जावेद सय्यद यांची खजिनदारपदी निवड करण्यात आली.
कार्यकारिणी सदस्य म्हणून दिलीप रामा जाधव, नितीन बबन वाघमारे, नितीन काळे, कृष्णा थोरात, बाजीराव ठोंबरे, संदीप झेंडे, शुभम निंबाळकर आणि अजिनाथ रणशिंग यांची निवड करण्यात आली.
नवनिर्वाचित अध्यक्ष धीरज थोरात यांनी ग्रामपंचायत कर्मचाऱ्यांचे प्रलंबित प्रश्न सोडविण्यासाठी सातत्याने पाठपुरावा करण्यात येईल व कर्मचाऱ्यांच्या न्याय्य हक्कांसाठी संघटना कटिबद्ध राहील, असे आश्वासन दिले.
बैठकीच्या शेवटी उपस्थित सर्व कर्मचाऱ्यांचे आभार मानण्यात आले आणि सभा उत्साहपूर्ण वातावरणात संपन्न झाली.
