कागल/निढोरी | प्रतिनिधी
शासकीय मान्यताप्राप्त ‘पै. सुभाषदादा पाटील युथ फौंडेशन महाराष्ट्र राज्य’ संचलित राष्ट्रीय पुरस्कार वितरण सोहळा २०२५-२०२६ निढोरी येथील माऊली हॉल (भडगाव पाटी, कागल-निढोरी रोड) येथे उत्साहपूर्ण वातावरणात आणि दिमाखदार पद्धतीने पार पडला. या सोहळ्याला राजकीय, सामाजिक, क्रीडा आणि पत्रकारिता क्षेत्रातील अनेक मान्यवरांची उपस्थिती लाभली.
यावेळी आजरा तालुक्यातील ‘सारथी महाराष्ट्राचा न्यूज’ चे पत्रकार गोपाळ निळकंठ गडकरी यांना पत्रकारिता क्षेत्रातील उल्लेखनीय योगदानाबद्दल फौंडेशनच्या वतीने ‘राष्ट्रीय आदर्श पत्रकारिता पुरस्कार २०२५-२०२६’ प्रदान करून सन्मानित करण्यात आले.
सामाजिक कार्य, कृषी, कला, क्रीडा, पत्रकारिता आणि विविध क्षेत्रांत उल्लेखनीय कार्य करणाऱ्या व्यक्तींना फौंडेशनचे संस्थापक अध्यक्ष पैलवान सुभाषदादा रंगराव पाटील यांच्या संकल्पनेतून दरवर्षी राष्ट्रीय पुरस्कार देऊन गौरविण्यात येते.
मान्यवरांची प्रमुख उपस्थिती
या भव्य पुरस्कार वितरण सोहळ्याच्या अध्यक्षस्थानी फौंडेशनचे अध्यक्ष पै. सुभाषदादा पाटील होते. यावेळी रंगराव पाटील, सौरभ पाटील, राहुलभैय्या दुबाले, पै. अमृतमामा भोसले, पै. अभिजीत तापेकर, भास्कर शेट्टी, तसेच प्रवीण गर्जे यांची प्रमुख उपस्थिती होती.
विविध क्षेत्रातील मान्यवरांचा गौरव
कार्यक्रमात योगेश कदम, अंकुश पवार, सतीश घाटगे, अमित पिष्टे, स्मिता राणी गुरव, संजय गायकवाड आणि विजय पोवार यांचाही विशेष सत्कार करण्यात आला.
यशस्वी आयोजनासाठी सहकार्य
हा सोहळा यशस्वी करण्यासाठी सतीश शिंग्रे, पुजाताई पाटील, कृष्णा कदम, वैशाली झांजगे, अनिता रावण आणि आशाताई पालवे यांनी विशेष परिश्रम घेतले. कार्यक्रमाला परिसरातील नागरिक, सामाजिक कार्यकर्ते आणि विविध क्षेत्रातील मान्यवर मोठ्या संख्येने उपस्थित होते.
पत्रकार गोपाळ गडकरी यांना मिळालेल्या या राष्ट्रीय सन्मानामुळे आजरा तालुक्यासह पत्रकारिता क्षेत्रात आनंदाचे वातावरण निर्माण झाले असून विविध स्तरांतून त्यांच्यावर अभिनंदनाचा वर्षाव होत आहे.
