छत्रपती संभाजीनगर | प्रतिनिधी
छत्रपती संभाजीनगर जिल्हा मध्यवर्ती सहकारी बँकेच्या संचालक पदाच्या निवडणुकीसाठी आमदार रमेश बोरनारे यांनी आज अत्यंत उत्साहात आणि भव्य शक्तीप्रदर्शनासह आपला उमेदवारी अर्ज दाखल केला.
या प्रसंगी जिल्ह्यातील महायुतीसह प्रमुख राजकीय नेत्यांची मोठ्या प्रमाणावर उपस्थिती पाहायला मिळाली. उमेदवारी अर्ज दाखल करताना बोरनारे यांच्या पाठीशी भक्कम राजकीय ताकद उभी राहिल्याचे चित्र दिसून आले.
पालकमंत्री संजय शिरसाट, गृहनिर्माण मंत्री अतुल सावे, खासदार संदीपान भूमरे, आमदार अब्दुल सत्तार, आमदार प्रदीप जैस्वाल, आमदार विलास बापू भूमरे, आमदार सौ. संजना जाधव, संपर्कप्रमुख विलास पारकर, माजी आमदार भाऊसाहेब चिकटगावकर, माजी नगराध्यक्ष साबेरभाई तसेच जिल्हाप्रमुख बाबासाहेब जगताप यांचा समावेश होता.
जिल्हा बँकेची ही निवडणूक अत्यंत प्रतिष्ठेची मानली जात असून सर्व प्रमुख नेत्यांनी एकत्रितपणे बोरनारे यांच्या उमेदवारीला पाठिंबा दिल्याने राजकीय वर्तुळात या निवडणुकीकडे विशेष लक्ष वेधले गेले आहे.
अर्ज दाखल केल्यानंतर उपस्थित मान्यवर व कार्यकर्त्यांनी रमेश बोरनारे यांना विजयासाठी शुभेच्छा दिल्या. या भव्य शक्तीप्रदर्शनामुळे कार्यकर्त्यांमध्ये उत्साहाचे वातावरण निर्माण झाले आहे.
