प्रतिनिधी | बुलढाणा
मलकापूर शिक्षण समिती मलकापूर संचालित एम.ई.एस. माध्यमिक व उच्च माध्यमिक विद्यालय, धामणगाव बढे येथील शिक्षक श्री प्रदीप रामदास डाबेराव यांना राज्यस्तरीय आदर्श शिक्षक पुरस्काराने सन्मानित करण्यात आले आहे.
हा पुरस्कार बी दि चेंज फाउंडेशन संस्थेतर्फे आयोजित समारंभात दि. ७ जून २०२६ रोजी शिर्डी येथे प्रदान करण्यात आला. संस्थेचे अध्यक्ष आमदार चैनसुख संचेती, सचिव अशोक काका अग्रवाल, ज्येष्ठ संचालक भाऊसाहेब डोरले तसेच इतर मान्यवरांच्या हस्ते हा सन्मान देण्यात आला.
प्रदीप डाबेराव सर यांनी अध्यापन क्षेत्रात केलेल्या उल्लेखनीय कार्याची दखल घेत हा सन्मान देण्यात आला असून त्यांच्या शैक्षणिक योगदानाचे सर्वत्र कौतुक होत आहे.
या यशानंतर विद्यालयात आनंदाचे वातावरण निर्माण झाले आहे. मुख्याध्यापक ए.ए. भालेराव, उपमुख्याध्यापिका एस.एस. खडसे, पर्यवेक्षक श्री ठाकूर यांच्यासह सर्व शिक्षक व कर्मचाऱ्यांनी त्यांचे अभिनंदन केले.
शाळेतील अनेक शिक्षक, कर्मचारी व सहकारी यांनीही या यशाबद्दल समाधान व्यक्त करत पुढील वाटचालीस शुभेच्छा दिल्या.
या सन्मानामुळे विद्यार्थ्यांमध्येही आनंदाचे वातावरण निर्माण झाले असून शिक्षकांच्या यशातून प्रेरणा मिळत असल्याची भावना विद्यार्थ्यांनी व्यक्त केली आहे.
प्रदीप डाबेराव सर यांच्या या यशामुळे संपूर्ण परिसरात त्यांच्यावर अभिनंदनाचा वर्षाव होत आहे.
