निमगावजाळी | प्रतिनिधी
राहुरी तालुक्यातील राहुरी फॅक्टरी येथील कन्या समृद्धी महेश पवळे हिने राष्ट्रीय स्तरावरील शुटिंग बॉल स्पर्धेत उल्लेखनीय कामगिरी करत महाराष्ट्र संघाच्या विजेतेपदात मोलाचा वाटा उचलला आहे. आंध्र प्रदेश येथे पार पडलेल्या राष्ट्रीय शुटिंग बॉल स्पर्धेत महाराष्ट्र संघाने प्रथम क्रमांक पटकावला असून, या संघात समृद्धी पवळे हिचा समावेश होता.
समृद्धी ही नाभिक एकता महासंघाचे तालुका कार्याध्यक्ष चांगदेव पवळे यांची नात आणि महेश पवळे यांची कन्या आहे. संघाचे प्रतिनिधित्व करताना तिने उत्कृष्ट खेळाचे प्रदर्शन केले आणि महाराष्ट्र संघाच्या विजयात महत्त्वपूर्ण योगदान दिले. तिच्या या यशामुळे राहुरी तालुक्यासह संपूर्ण नाभिक समाजात आनंदाचे वातावरण निर्माण झाले आहे.
समृद्धीच्या या यशाबद्दल विविध मान्यवरांनी तिचे अभिनंदन केले. यामध्ये माजी खासदार Prasad Tanpure, आमदार व माजी मंत्री Prajakt Tanpure, डॉ. बाबुराव बापुजी तनपुरे सहकारी साखर कारखान्याचे चेअरमन अरुणराव तनपुरे यांच्यासह नाभिक एकता महासंघाचे राष्ट्रीय अध्यक्ष भगवान अण्णा बिडवे, कार्याध्यक्ष किरण बिडवे, जिल्हाध्यक्ष मनोज वाघ, जिल्हा उपाध्यक्ष भाऊसाहेब बिडवे, शहराध्यक्ष मयूर दुधाडे, जिल्हा कार्याध्यक्ष अनिल बिडे, संघटक बाबा बिडे आणि तालुकाध्यक्ष अनिल वाघचौरे यांनी शुभेच्छा दिल्या.
समृद्धी पवळे हिच्या या उल्लेखनीय यशामुळे समस्त राहुरी नाभिक समाजाचा गौरव वाढला असून, तिच्या पुढील क्रीडा कारकिर्दीसाठी समाजबांधवांनी शुभेच्छा व आशीर्वाद दिले आहेत. तिची ही कामगिरी ग्रामीण भागातील मुलींसाठी प्रेरणादायी ठरत आहे.
