खामगाव | प्रतिनिधी | दि. १० जून
भारतीय सैन्याच्या Army Service Corps (ASC) मधील माजी सैनिक स्वर्गीय नायक नामदेव डाहाके यांना सैन्य परंपरा आणि आर्मी प्रोटोकॉलनुसार अत्यंत सन्मानपूर्वक अखेरचा निरोप देण्यात आला. त्यांच्या पार्थिवावर सैन्य इतमामात अंत्यसंस्कार करण्यात आले.
आजी-माजी सैनिक बहुउद्देशीय कल्याणकारी संघटना, खामगाव तसेच 13 Maharashtra NCC Battalion यांच्या संयुक्त विद्यमाने Wreath Laying Ceremony आणि अंतिम बिदाई परेडचे आयोजन करण्यात आले होते. यावेळी सुभेदार रमण कुमार आणि हवालदार अभिषेक गुरुंग यांनी सैन्याच्या शिस्तबद्ध परंपरेनुसार अंतिम मानवंदना अर्पण केली.
कार्यक्रमाचे आयोजन सैनिक फेडरेशन महाराष्ट्र राज्य, बुलढाणा जिल्हाध्यक्ष तथा आजी-माजी सैनिक बहुउद्देशीय कल्याणकारी संघटनेचे अध्यक्ष रामराव वामनराव देशमुख, उपाध्यक्ष जगन्नाथ कळसकार, शंकर खंडारे तसेच संघटनेच्या पदाधिकारी आणि सदस्यांच्या सहकार्याने करण्यात आले.
यावेळी पत्रकार प्रशांत देशमुख आणि पंजाबराव देशमुख यांनी स्वर्गीय नामदेव डाहाके यांच्या राष्ट्रसेवेचा गौरव करत त्यांना भावपूर्ण श्रद्धांजली अर्पण केली.
कार्यक्रमास हवालदार बळवंत देशमुख, हवालदार विजय घोंगडे, हवालदार अशोक वेरूळकर, सुभेदार चंद्रकांत पहुरकर, सुभेदार उद्धव गायकी, सुभेदार निनाजी साटोडे, सुभेदार ज्ञानेश्वर तायडे, सुभेदार अरुण इंगळे, नायक विलास काळे, नायक संजय इंगळे, पी.ओ. जगदीश पाटील, नायक देविदास सावळे, हवालदार विजय साटोडे, सुभेदार बळवंत शिरसाट यांच्यासह अकोला, पातुरडा, परघरमोल व परिसरातील अनेक माजी सैनिक आणि ग्रामस्थ मोठ्या संख्येने उपस्थित होते.
उपस्थित मान्यवरांनी स्वर्गीय नायक नामदेव डाहाके यांच्या कर्तव्यनिष्ठ, शिस्तप्रिय आणि राष्ट्रभक्त जीवनकार्याचा गौरव करत त्यांना श्रद्धांजली वाहिली. त्यांच्या देशसेवेची आठवण कायम प्रेरणादायी राहील, अशी भावना यावेळी व्यक्त करण्यात आली.
“सैनिकाचा देह नश्वर असला तरी त्याची देशसेवा, त्याग आणि शौर्य अमर असते.”
🌹 स्वर्गीय नायक नामदेव डाहाके यांना भावपूर्ण श्रद्धांजली! 🌹
— आजी-माजी सैनिक बहुउद्देशीय कल्याणकारी संघटना, खामगाव
— सैनिक फेडरेशन महाराष्ट्र राज्य, जिल्हा बुलढाणा
