कन्नड (प्रतिनिधी)
कन्नड तालुक्यातील रेल गावात घरफोडीची घटना घडून सोन्या-चांदीचे दागिने चोरीला गेल्याची घटना समोर आली आहे. याप्रकरणी कन्नड शहर पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, दि. 8 आणि 9 जूनच्या मध्यरात्री अज्ञात चोरट्यांनी रेल गावातील उज्वला गणेश नागे आणि पद्माकर दामोधर बोडखे यांच्या राहत्या घराचे दरवाजे उघडून अलमारी तोडली आणि सोन्या-चांदीचे दागिने लंपास केले.
चोरीस गेलेल्या ऐवजामध्ये सुमारे 8 ग्रॅम वजनाच्या दोन अंगठ्या, तितक्याच वजनाच्या बाळ्या, सहा भार चांदीचे दागिने तसेच सहा भार दंडकडे यांचा समावेश आहे. तसेच उज्वला गणेश नागे यांच्या घरातून सोन्याचा हारही चोरीस गेला आहे. हे दागिने 10 ते 12 वर्ष जुने असल्याची माहिती तक्रारदारांनी दिली आहे.
या घटनेमुळे परिसरात भीतीचे वातावरण निर्माण झाले आहे. अज्ञात आरोपीविरुद्ध कन्नड शहर पोलीस ठाण्यात गुन्हा नोंदविण्यात आला असून पुढील तपास सुरू आहे.
