जिल्हा परिषद प्राथमिक आदर्श केंद्र शाळा, खुडूस येथे १५ जून २०२६ रोजी नवीन शैक्षणिक वर्षाच्या पहिल्या दिवशी इयत्ता पहिलीतील नवागत विद्यार्थ्यांचे उत्साहात स्वागत करण्यात आले. विद्यार्थ्यांचे औक्षण करून फुगे देण्यात आले तसेच त्यांच्या पावलांचे ठसे कागदावर घेऊन आगळ्यावेगळ्या पद्धतीने स्वागत करण्यात आले.
यावेळी शाळा व्यवस्थापन समितीच्या अध्यक्षा, सर्व सदस्य, पोलीस पाटील यांचे बंधू कांबळे साहेब, लोंढे साहेब, सकट साहेब तसेच अंगणवाडीच्या कांबळे मॅडम आणि बनकर मॅडम उपस्थित होते.
कार्यक्रमात विद्यार्थ्यांना प्राथमिक स्वरूपात गणवेश, पुस्तके आणि बूट वाटप करण्यात आले. तसेच विद्यार्थ्यांना खाऊ देऊन आनंददायी वातावरणात कार्यक्रम साजरा करण्यात आला.
कार्यक्रम यशस्वी करण्यासाठी शाळेच्या मुख्याध्यापिका पाटील मॅडम, सर्व शिक्षकवृंद व महिला शिक्षिकांनी विशेष परिश्रम घेतले. कार्यक्रमाचे सूत्रसंचालन लक्ष्मण वाघ सर यांनी केले तर आभार प्रदर्शन बाळासो कुंभार सर यांनी मानले.
