भोकरदन प्रतिनिधी : कापूस उत्पादन आणि उत्पादकता वाढविण्यासाठी केंद्र शासनाच्या “कापूस उत्पादकता अभियान (कपास क्रांती)” योजनेअंतर्गत शेतकऱ्यांसाठी ऑनलाइन अर्ज प्रक्रिया सुरू करण्यात आली आहे. महाडीबीटी पोर्टलद्वारे अर्ज करता येणार असून, सघन कापूस लागवड, क्लोज स्पेसिंग प्रात्यक्षिके, बायोचार युनिट, कॉटन श्रेडर आदी घटकांचा लाभ शेतकऱ्यांना मिळणार आहे.
या योजनेअंतर्गत कापसाचे उत्पादन वाढविण्याचे उद्दिष्ट ठेवण्यात आले असून शेतकरी गट तसेच शेतकरी उत्पादक कंपन्यांना प्राधान्य दिले जाणार आहे. इच्छुक शेतकऱ्यांनी शासनाच्या अधिकृत महाडीबीटी पोर्टलवर अर्ज करावेत, असे आवाहन तालुका कृषी अधिकारी अमोल शिंदे यांनी केले आहे.
संधी दवडू नका!
“कापूस शेतीत उत्पादनवाढीसाठी ‘कपास क्रांती’ अभियान महत्त्वपूर्ण ठरणार आहे. पात्र शेतकऱ्यांनी महाडीबीटीवर त्वरित अर्ज करून शासनाच्या लाभदायी योजनेचा फायदा घ्यावा.”
— अमोल शिंदे, तालुका कृषी अधिकारी, भोकरदन
