कुरुंदवाड | प्रतिनिधी :
कुरुंदवाड नगरपरिषद येथे महाराणा प्रताप यांच्या ४८६ व्या जयंतीनिमित्त विविध कार्यक्रमांचे आयोजन करून जयंती मोठ्या उत्साहात साजरी करण्यात आली. नगरपरिषदेच्या छत्रपती शिवाजी महाराज सभागृहात कुरुंदवाडच्या लोकनियुक्त महिला नगराध्यक्षा सौ. मनिषा डांगे यांच्या हस्ते महाराणा प्रताप यांच्या प्रतिमेचे पूजन करण्यात आले.
यावेळी नगराध्यक्षा मनिषा डांगे यांनी उपस्थितांना मार्गदर्शन करताना महाराणा प्रताप यांच्या शौर्य, स्वाभिमान आणि मातृभूमीप्रती असलेल्या निष्ठेचा गौरव केला. महाराणा प्रताप हे मेवाड राज्याचे १३ वे महान राजपूत शासक होते. त्यांनी मुघल साम्राज्याविरुद्ध संघर्ष करत स्वातंत्र्यासाठी आयुष्य वेचले. त्यांचा जन्म ज्येष्ठ शुक्ल पक्ष तृतीया, १७ जून १५४० रोजी झाल्याचे सांगितले जाते. इतिहासकारांच्या मते त्यांचा जन्म राजस्थानमधील कुंभलगड येथे झाला होता. त्यांचा चेतक नावाचा घोडा आणि त्यांच्या पराक्रमाच्या कथा इतिहासात अजरामर झाल्या आहेत.
या कार्यक्रमास नगरपालिकेचे उपनगराध्यक्ष दीपक गायकवाड, उदय डांगे, जय कडाळे, अलका मधाळे, सुनंदा आलासे, अलका पाटील, शाहीर आवळे, दिलीप बंडगर, बाळसिंग राजपूत, उदयसिंग राजपूत, किशोर राजपूत तसेच अभियंता राजेंद्र गवळी, कार्यालयीन अधीक्षक श्रद्धा वळवडे, स्नेहल मॅडम, नगरसेवक, नगरसेविका, अधिकारी आणि कर्मचारी उपस्थित होते.
तसेच कुरुंदवाड माळभाग येथील महाराणा प्रतापसिंह उद्यानातही जयंती उत्साहात साजरी करण्यात आली. माजी उपनगराध्यक्ष दयानंद मालवेकर यांच्या हस्ते प्रतिमापूजन करण्यात आले. यावेळी उपनगराध्यक्ष दीपक गायकवाड, माजी नगरसेवक उदय डांगे, नगरसेविका अलका मधाळे, नगरसेवक वैभव उगळे, जय कडाळे, साहिल गोलंदाज, दीपक पोमाजे आदी मान्यवर उपस्थित होते.
यावेळी राजपूत समाजाचे अध्यक्ष उदयसिंग राजपूत, बाळसिंग राजपूत, संतोष राजपूत, राजू राजपूत, किशोर राजपूत, संजय राजपूत, सुनिल राजपूत, रघुनाथसिंग राजपूत, अविनाश राजपूत, महेश राजपूत, किरण राजपूत, रामदास मधाळे, संजय नामपल्ली, आप्पा भोसले, दिलीप बंडगर, संजय ढाले, महेश जोशी, मिलिंद गोरे, बंडू खराडे, संतोष गायकवाड, स्वप्नील श्रीधनकर, इम्तियाज बागवान, पिंटू बरगीर, राजमहंमद गरगरे, शकील भिलवडे तसेच माळभाग टेम्पो असोसिएशनचे चालक-मालक मोठ्या संख्येने उपस्थित होते.
दरवर्षीप्रमाणे यंदाही राजपूत परिवाराच्या वतीने महाराणा प्रताप जयंती उत्साहपूर्ण वातावरणात साजरी करण्यात आली.
