जळकोट : जागतिक पर्यावरण दिनानिमित्त जळकोट तालुक्यात विविध शासकीय कार्यालयांमध्ये वृक्षारोपण करून पर्यावरण संवर्धनाचा संदेश देण्यात आला. पर्यावरण संरक्षण आणि वृक्षसंवर्धनाची गरज लक्षात घेऊन हा उपक्रम मोठ्या उत्साहात पार पडला.
जळकोट तहसील कार्यालय परिसरात तहसीलदार राजेश लाडगे साहेब तसेच पंचायत समितीच्या गटविकास अधिकारी चितारी मॅडम यांच्या हस्ते वृक्षारोपण करण्यात आले. यावेळी पंचायत समितीचे कर्मचारी मोठ्या संख्येने उपस्थित होते.
तसेच जळकोट पोलीस स्टेशन परिसरात पोलीस निरीक्षक माचेवाड श्रीराम साहेब यांच्या हस्ते वृक्षारोपण करण्यात आले. यावेळी पोलीस स्टेशनमधील सर्व अधिकारी व कर्मचारी यांनी पर्यावरण संवर्धनाचा संकल्प केला.
या कार्यक्रमाला जळकोट येथील वनरक्षक मुक्ता मॅडम, गुटे तसेच एस. बी. त्रीमगले यांची विशेष उपस्थिती होती. जागतिक पर्यावरण दिनानिमित्त आयोजित करण्यात आलेल्या या उपक्रमातून पर्यावरण संरक्षणासाठी जनजागृती करण्यात आली.
“पर्यावरण संतुलन राखण्यासाठी वृक्षारोपण आणि वृक्षसंवर्धन अत्यंत आवश्यक आहे. अशा उपक्रमांची समाजाला मोठी गरज आहे,” अशा भावना उपस्थित मान्यवरांनी व्यक्त केल्या.
