कोल्हापूर | प्रतिनिधी
जिल्हा ग्राहक संरक्षण परिषदेची बैठक कोल्हापूर जिल्हाधिकारी कार्यालयातील श्री शाहू सभागृहात पार पडली. या बैठकीस निवासी जिल्हाधिकारी गजानन गुरव यांनी अध्यक्ष म्हणून काम पाहिले, तर सहाय्यक जिल्हा पुरवठा अधिकारी लक्ष्मण माने यांनी सचिव म्हणून जबाबदारी सांभाळली.
बैठकीत मागील बैठकीतील विषयांचा आढावा घेण्यात आला. विविध विभागांकडून प्राप्त अहवालांचे परीक्षण करण्यात आले तसेच नव्याने प्राप्त झालेल्या ग्राहक तक्रारी तातडीने सोडविण्याबाबत चर्चा करण्यात आली.
तालुका आणि जिल्हास्तरावर अशासकीय सदस्यांना सहभागी करून ग्राहकांच्या तक्रारींचे प्रभावीपणे निवारण करण्याच्या सूचना संबंधित विभागांच्या अधिकाऱ्यांना देण्यात आल्या. ग्राहकांच्या समस्यांवर त्वरित कार्यवाही करून निवारण करण्याचा निर्णयही यावेळी घेण्यात आला.
या बैठकीस अशासकीय सदस्य अनिल जाधव, अरुण यादव, प्रशांत पुजारी, योगेश तिवले, अमर पाटील, गणेश पालकर, हसीना शेख, सुरेश माने, विजय पाटील, सचिन पाटील, बाबासो चिकोडे उपस्थित होते.
तसेच जिल्हा ग्राहक आयोगाचे अध्यक्ष प्रवीण खोत यांच्यासह महावितरण, पोलीस विभाग, अन्न व औषध प्रशासन, बँका, कृषी विभाग, महानगरपालिका, सार्वजनिक बांधकाम विभाग आदी विविध शासकीय विभागांचे अधिकारी बैठकीस उपस्थित होते.
