चांदवड ता. प्रतिनिधी :
राजर्षी शाहू महाराज यांची जयंती आज दि. २५ जून रोजी संत ज्ञानेश्वर विद्यालय वाहेगाव साळ येथे मोठ्या उत्साहात साजरी करण्यात आली.
या कार्यक्रमाच्या अध्यक्षस्थानी विद्यालयाचे मुख्याध्यापक व्ही. डी. पाटील हे उपस्थित होते. कार्यक्रमाच्या प्रारंभी मुख्याध्यापक पाटील सर, पर्यवेक्षक एस. एम. जाधव तसेच शिक्षक वृंद यांच्या हस्ते राजर्षी शाहू महाराज यांच्या प्रतिमेचे पूजन करून कार्यक्रमास सुरुवात करण्यात आली.
यावेळी पर्यवेक्षक जाधव सर यांनी आपल्या भाषणातून राजर्षी शाहू महाराज यांच्या जीवनकार्याचा परिचय विद्यार्थ्यांना करून दिला. सामाजिक न्याय, शिक्षण प्रसार आणि बहुजन समाजाच्या उन्नतीसाठी त्यांनी दिलेल्या योगदानावर प्रकाश टाकण्यात आला.
तसेच कार्यक्रमाचे अध्यक्ष पाटील सर यांनीही विद्यार्थ्यांना मार्गदर्शन करत शाहू महाराजांच्या विचारांचे महत्त्व पटवून दिले. विद्यार्थ्यांनीदेखील आपल्या मनोगतातून राजर्षी शाहू महाराज यांच्या कार्याचा परिचय करून देत अभिवादन केले.
या कार्यक्रमास विद्यालयातील सर्व शिक्षक, शिक्षकेतर कर्मचारी तसेच विद्यार्थी मोठ्या संख्येने उपस्थित होते.
