अमरावती प्रतिनिधी :
मोर्शी पोलिस स्टेशन येथे कार्यरत असलेल्या महिला पोलिस उपनिरीक्षक नंदाताई सतीशराव सावरकर यांचा सेवानिवृत्ती निमित्त निरोप समारंभ ३० जून रोजी अमरावती येथे पार पडला.
या कार्यक्रमात निकेतन कदम यांच्या हस्ते नंदाताई सतीशराव सावरकर यांचा सन्मानपूर्वक निरोप देण्यात आला.
पोलिस खात्यात कार्यरत असताना त्यांनी प्रामाणिकपणे, निष्ठेने आणि जबाबदारीने आपली सेवा बजावली. कर्तव्यदक्ष अधिकारी म्हणून त्यांनी आपल्या कार्यकाळात उल्लेखनीय कामगिरी करत सहकाऱ्यांमध्ये वेगळी ओळख निर्माण केली होती.
यावेळी उपस्थितांनी त्यांच्या सेवाभावाचे कौतुक करत निवृत्तीनंतरचे आयुष्य सुख, समाधान आणि उत्तम आरोग्याने भरलेले जावो, अशा शुभेच्छा दिल्या.
