गुरुदत्त उच्च माध्यमिक विद्यालय, जळकोट येथे कृषिनायक वसंतराव नाईक जयंती उत्साहात साजरी

जळकोट | प्रतिनिधी

गुरुदत्त उच्च माध्यमिक विद्यालय, जळकोट येथे महाराष्ट्राचे माजी मुख्यमंत्री तथा कृषिनायक वसंतराव नाईक यांची जयंती मोठ्या उत्साहात साजरी करण्यात आली. यावेळी विद्यालयात विविध कार्यक्रमांचे आयोजन करण्यात आले होते.

कार्यक्रमाच्या प्रारंभी वसंतराव नाईक यांच्या प्रतिमेला पुष्पहार अर्पण करून अभिवादन करण्यात आले. त्यांच्या कृषी, शिक्षण व ग्रामीण विकास क्षेत्रातील योगदानाचा यावेळी गौरव करण्यात आला.

या कार्यक्रमास विद्यालयाचे प्राचार्य, सर्व शिक्षकवृंद व शिक्षकेतर कर्मचारी उपस्थित होते. यामध्ये यरनाळे सर, आडे सर, दिनकर बोधले सर, मरसविणे सर यांच्यासह इतर कर्मचारी मोठ्या संख्येने उपस्थित होते.

यावेळी उपस्थित मान्यवरांनी वसंतराव नाईक यांच्या कार्याचा आढावा घेत विद्यार्थ्यांना त्यांच्या विचारांपासून प्रेरणा घेण्याचे आवाहन केले. कार्यक्रम उत्साहपूर्ण वातावरणात संपन्न झाला.