पट्टणकोडोली | प्रतिनिधी
कृषी दिनानिमित्त श्री दत्त शेतकरी सहकारी साखर कारखान्याच्या वतीने प्रयोगशील शेतकरी रावसो विठ्ठाणा पट्टणकोडोली यांच्या रानमळा येथील शेतात विकसित करण्यात आलेल्या अत्याधुनिक ‘सुपर केन नर्सरी’ची पाहणी करण्यात आली. या नर्सरीमध्ये ८६०३२ या ऊस जातीची निरोगी व दर्जेदार रोपे तयार करण्यात आली असून, या उपक्रमाचे शेतकऱ्यांनी कौतुक केले.
यावेळी ऊस विकास अधिकारी यश पाटील यांनी आधुनिक ऊस लागवड पद्धती, दर्जेदार रोपांची निर्मिती तसेच सुपर केन नर्सरीचे महत्त्व याविषयी सविस्तर मार्गदर्शन केले. प्रयोगशील शेतकरी रावसो विठ्ठाणा पट्टणकोडोली यांनी नर्सरी उभारणीपासून रोपे तयार करण्यापर्यंतची संपूर्ण प्रक्रिया उपस्थित शेतकऱ्यांना समजावून सांगितली.
कार्यक्रमास श्री दत्त शेतकरी सहकारी साखर कारखान्याचे चेअरमन रघुनाथ पाटील, संचालक बाळासाहेब पाटील, ऊस विकास अधिकारी एस. पाटील, विभागीय अधिकारी देसाई, फिल्डमन संजय रोंगे, संजय पाटील, निखिल चौगुले, खोत, कुबेर खड्ड, सुधीर आवटे, कुमार डूम, दिग्विजय मिरजकर, नवला बाळाई, चंद्रकांत मोरे, रवींद्र पाटील, सुनील कुरणे, सुनील पाटील, प्रवीण आवटे, सुमित पवार, रुपेश जोशी, भालचंद्र खड्ड यांच्यासह अनेक शेतकरी उपस्थित होते.
या मार्गदर्शन कार्यक्रमातून शेतकऱ्यांना आधुनिक तंत्रज्ञानाचा वापर करून ऊस उत्पादन वाढविण्यासाठी उपयुक्त माहिती मिळाल्याची भावना उपस्थितांनी व्यक्त केली.
