नेर प्रतिनिधी —
शिवसेना नेते तथा महाराष्ट्राचे मृद व जलसंधारण मंत्री ना. संजय राठोड यांच्या वाढदिवसानिमित्त ‘संजयभाऊ राठोड मित्र परिवार’ तर्फे नेर शहरात सामाजिक बांधिलकी जपत गरजू रुग्णांच्या सेवेसाठी सुसज्ज रुग्णवाहिका भेट देण्यात आली.
शिवाजीनगर येथील शिवसेना कार्यालयात रुग्णवाहिकेच्या लोकार्पणाचा कार्यक्रम उत्साहात पार पडला. ग्रामीण भागात रात्री-अपरात्री किंवा आपत्कालीन परिस्थितीत रुग्णवाहिका उपलब्ध न झाल्याने अनेकदा रुग्णांचे हाल होतात. ही अडचण लक्षात घेऊन मित्र परिवाराने हा समाजोपयोगी उपक्रम राबविला.
या रुग्णवाहिकेमुळे अपघातग्रस्त, गंभीर आजारी तसेच आर्थिकदृष्ट्या दुर्बल रुग्णांना वेळेत उपचारासाठी रुग्णालयात पोहोचविणे शक्य होणार असून तालुक्यातील नागरिकांना मोठा दिलासा मिळणार असल्याची भावना यावेळी व्यक्त करण्यात आली.
कार्यक्रमास भाऊराव ढवळे, वैशालीताई मासाड, पवनभाऊ जयस्वाल, रितेश चिर्डे, मनोज नाले, इंद्रजीत चव्हाण, दीपक आडे, भरत मसराम, विजय बारस्कर, अर्चनाताई ईसाळकर, रश्मीताई पेटकर, शंभू नेवारे, किशोर नागपुरे, विनीत मिसाळे, अलका नवघरे, सिद्धार्थ मिसाळे, पुरुषोत्तम येळणे, सुनील भभुतकर, सुनील तिडके, शोएब पठाण, एस. बी. राठोड, रत्नाकर खंदाडे यांच्यासह शिवसेनेचे पदाधिकारी, शिवसैनिक व मित्र परिवाराचे सदस्य मोठ्या संख्येने उपस्थित होते.
वाढदिवस केवळ औपचारिक पद्धतीने न साजरा करता समाजोपयोगी कार्यातून साजरा केल्याबद्दल ना. संजय राठोड व मित्र परिवाराचे सर्व स्तरातून कौतुक करण्यात आले. उपस्थितांनी ना. राठोड यांना वाढदिवसाच्या शुभेच्छाही दिल्या.
