खटाव प्रतिनिधी
वडूज पोलीस ठाण्याच्या वतीने राज्य शिष्यवृत्ती परीक्षेत गुणवंत यादीत स्थान मिळवलेल्या विद्यार्थ्यांचा गौरव सोहळा उत्साहात पार पडला. जिल्हा पोलीस अधीक्षक निखिल पिंगळे व अप्पर पोलीस अधीक्षक वैशाली कडुकर यांच्या संकल्पनेतून हा उपक्रम राबविण्यात आला.
यावेळी उपविभागीय पोलीस अधिकारी रणजीत सावंत व पोलीस निरीक्षक घनश्याम सोनवणे यांच्या हस्ते गुणवंत विद्यार्थ्यांचा सत्कार करण्यात आला. यामध्ये शर्वरी खाडे, राजवीर गबरे, जयकृष्ण कटरे, स्वराज जाधव, विशाल मोरे, आयुष सानप, आदित्य खाडे, अमृता भांडवलकर आणि आर्या पाटील या विद्यार्थ्यांचा समावेश होता.
यावेळी शाळेचे मुख्याध्यापक जे. एल. जाधव, पर्यवेक्षक पी. आर. राऊत तसेच एल. के. बागल, डी. व्ही. देशमुख, पी. एन. राऊत आणि एस. बी. सावंत यांचाही सन्मान करण्यात आला.
मुख्याध्यापक जे. एल. जाधव यांनी शाळेच्या गुणवंत निकालाची परंपरा अधोरेखित करत विद्यार्थ्यांचे अभिनंदन केले व त्यांच्या पुढील शैक्षणिक वाटचालीसाठी शुभेच्छा दिल्या. कार्यक्रमाचे आभार प्रदर्शन पी. आर. राऊत यांनी केले.
