अहिल्यानगर | प्रतिनिधी
अहिल्यानगर येथील आदर्शनगर, नागापूर परिसरातील श्री सकल जैन श्रावक संघाच्या जैन धर्मस्थानकाचा लोकार्पण सोहळा धार्मिक व भक्तिमय वातावरणात उत्साहात पार पडला. हा सोहळा उपाध्याय प.पू. प्रविण ऋषिजी महाराज यांच्या पावन उपस्थितीत संपन्न झाला.
या कार्यक्रमास महापौर ज्योती गाडे, बाबासाहेब वाकळे, बाबुशेठ बोरा, राजेशजी भंडारी, ईश्वरजी बोरा, नवनाथजी कातोरे, डॉ. सागरजी बोरूडे, बाबुशेठ नागरगोजे, पुष्करजी कुलकर्णी, हनुमान कातोरे, सतीशजी सुराणा, उद्योजक राहुलजी जैन तसेच विविध क्षेत्रांतील मान्यवर उपस्थित होते.
यावेळी अशोक भंडारी, गौतम डागा आणि लता कटारिया यांनी आपल्या मार्गदर्शनपर भाषणातून जैन धर्मातील अध्यात्म, संस्कार आणि समाजातील ऐक्याचे महत्त्व अधोरेखित केले.
कार्यक्रमाचे सूत्रसंचालन सावेडी जैन संघाचे अध्यक्ष संदीपजी गांधी यांनी केले.
समारोपप्रसंगी अहिल्यानगर येथे आयोजित करण्यात येत असलेल्या ‘समर्पण चातुर्मास २०२६’ या धार्मिक सोहळ्यास समाजबांधवांनी मोठ्या संख्येने उपस्थित राहावे, असे आवाहन समर्पण चातुर्मास समितीचे अध्यक्ष बाबुशेठ बोरा यांनी केले.
धार्मिक, सामाजिक आणि सांस्कृतिक ऐक्याचा संदेश देणारा हा लोकार्पण सोहळा उत्साहपूर्ण वातावरणात संपन्न झाला.
