मारेगाव | प्रतिनिधी :
मारेगाव तालुक्यातील सगनापूर येथे विद्युत उच्च दाबाच्या प्रवाहामुळे लागलेल्या आगीत भूमिहीन शेतमजूर दिनकरराव मोहितकर यांचे घर आणि घरातील जीवनावश्यक साहित्य पूर्णपणे जळून खाक झाले. या संकटग्रस्त कुटुंबाला शासनाकडून तातडीची मदत मिळावी, यासाठी तहसीलदारांना निवेदन देण्यात आले.
धनुष्यबाण शिवसेनेच्या वतीने मारेगाव तालुकाध्यक्ष विशाल किन्हेकर यांच्या नेतृत्वाखाली आगग्रस्त कुटुंबाला आर्थिक मदत करण्यात आली. यावेळी शिवसेना नेते व माजी जिल्हा परिषद सदस्य आशिष कुळसंगे, माजी जिल्हा परिषद सदस्य सुनील गेडाम, सुधाकर भाऊ गोरे, कृषी उत्पन्न बाजार समितीचे संचालक ब्रह्मदेव जुनगरी, उपतालुकाप्रमुख प्रशांतकुमार भंडारी, जीवन भाऊ डाकरे, शहरप्रमुख विजय मेश्राम, विभागप्रमुख धनराज भट, सहकारी सोसायटी सदस्य गोपाल भाऊ खामणकर, युवासेना तालुकाध्यक्ष निखिल कालेकर, युवासेना संघटक योगेश नागोसे तसेच कार्तिक नेहारे, राजू कापसे, विकास राऊत, भोजराज मस्की, शामा ठोंबरे, संदीप गानफाडे, अमित तुराणकर यांच्यासह असंख्य शिवसैनिक आणि ग्रामस्थ उपस्थित होते.
आर्थिक मदतीमुळे नुकसानग्रस्त कुटुंबाने समाधान व्यक्त केले. यावेळी तालुकाध्यक्ष विशाल किन्हेकर यांनी आगग्रस्त कुटुंबाला शासनाकडून आर्थिक मदत मिळवून देण्यासाठी सर्वतोपरी प्रयत्न करण्यात येतील, असे आश्वासन दिले.
यावेळी तहसीलदारांकडे निवेदन सादर करून विद्युत उच्च दाबामुळे झालेल्या नुकसानीचे पंचनामे करून शासनाच्या आपत्ती निवारण योजनेंतर्गत तातडीने मदत मंजूर करण्याची मागणी करण्यात आली.
