मंडणगड | प्रतिनिधी
मंडणगड शहरात नव्याने वैद्यकीय सेवा सुरू करणारे डॉ. आसिफ खान यांची राष्ट्रवादी काँग्रेस पक्षाच्या पदाधिकाऱ्यांनी सदिच्छा भेट घेत त्यांच्या पुढील वाटचालीस शुभेच्छा दिल्या.
यावेळी राष्ट्रवादी काँग्रेसचे मंडणगड शहराध्यक्ष मुज्जफर भाई मुकादम, शहराध्यक्ष तथा मंडणगड नगरपंचायतीचे उपनगराध्यक्ष वैभव कोकाटे, शहर युवकाध्यक्ष साई सावंत, सुधीर हातमकर तसेच मुस्ताक भाई मिरकर उपस्थित होते.
पदाधिकाऱ्यांनी डॉ. आसिफ खान यांचा पुष्पगुच्छ देऊन सत्कार केला आणि त्यांच्या नव्या वैद्यकीय सेवेसाठी शुभेच्छा व्यक्त केल्या. मंडणगड परिसरातील नागरिकांना दर्जेदार, विश्वासार्ह आणि सुलभ आरोग्य सेवा उपलब्ध व्हावी तसेच त्यांच्या सेवेमुळे अधिकाधिक रुग्णांना लाभ मिळावा, अशी अपेक्षा यावेळी व्यक्त करण्यात आली.
यावेळी उपस्थितांनी डॉ. आसिफ खान यांच्या आगामी वैद्यकीय वाटचालीस शुभेच्छा देत, त्यांच्या माध्यमातून मंडणगडच्या आरोग्य क्षेत्राला अधिक बळ मिळेल आणि समाजसेवेचे कार्य अधिक प्रभावीपणे घडेल, असा विश्वास व्यक्त केला.
