तुळजापूर | प्रतिनिधी
भारतीय जनता पक्षाचे निष्ठावान कार्यकर्ते म्हणून ओळख असलेले दीपक घोडके यांची धाराशिव जिल्हा भाजपा युवा मोर्चा उपाध्यक्षपदी नियुक्ती करण्यात आली आहे. त्यांच्या निवडीबद्दल पक्षातील पदाधिकारी, कार्यकर्ते तसेच विविध स्तरांतून त्यांचे अभिनंदन करण्यात येत आहे.
भाजपा जिल्हाध्यक्ष विजय शिंगाडे यांनी १० जुलै रोजी दीपक घोडके यांना नियुक्तीपत्र प्रदान केले. अनेक वर्षांपासून पक्षासाठी एकनिष्ठपणे कार्य करत असलेल्या घोडके यांनी विविध संघटनात्मक उपक्रमांमध्ये तसेच निवडणुकांमध्ये पक्षाच्या यशासाठी महत्त्वपूर्ण योगदान दिले आहे.
संघटनात्मक कामाचा अनुभव आणि पक्षाप्रती असलेली निष्ठा लक्षात घेऊन पक्षाने त्यांच्यावर ही महत्त्वाची जबाबदारी सोपविल्याचे सांगण्यात आले.
या निवडीबद्दल जिल्हा सरचिटणीस साहेबराव घुगे, दीपक आलोरे, मुळे धामोडे, अंकुश चिंनके यांच्यासह कार्यकर्त्यांनी पेढे वाटून आनंद व्यक्त केला आणि दीपक घोडके यांना पुढील वाटचालीस शुभेच्छा दिल्या.
