पारोळा | प्रतिनिधी
न्यू पीपल्स एज्युकेशन सोसायटी संचलित आदर्श माध्यमिक विद्यालय, व्यंकटेश नगर, पारोळा येथे शिक्षक-पालक मेळावा उत्साहपूर्ण वातावरणात संपन्न झाला. या कार्यक्रमाच्या अध्यक्षस्थानी संस्थेचे चेअरमन डॉ. शांताराम दाजीबा पाटील होते.
कार्यक्रमाला पारोळा पोलीस ठाण्याचे वाहतूक निरीक्षक राजेंद्र कोठावदे, पोलीस निरीक्षक अविनाश जाधव, दीपक पाटील यांच्यासह शाळेचे मुख्याध्यापक डी. बी. पाटील, रोहित हिम्मत पाटील, दगडू पाटील, ॲड. मरसाळे, रवींद्र आप्पा, डॉ. मोहम्मद कुरेशी, मनोहर पाटील तसेच टोळी येथील ज्येष्ठ नागरिक उपस्थित होते.
कार्यक्रमाची सुरुवात मान्यवरांच्या हस्ते देवी सरस्वतीच्या प्रतिमेचे पूजन करून करण्यात आली. इयत्ता दहावीच्या विद्यार्थिनींनी ईशस्तवन आणि स्वागतगीत सादर केले. त्यानंतर प्रमुख पाहुण्यांचा सत्कार करण्यात आला. एमएसईबीमध्ये असिस्टंट इंजिनिअर पदावर नियुक्ती झाल्याबद्दल रोहित हिम्मत पाटील यांचा संस्था व शाळेच्या वतीने विशेष सत्कार करण्यात आला.
मुख्याध्यापक डी. बी. पाटील यांनी प्रास्ताविकातून शाळेच्या शैक्षणिक उपक्रमांची माहिती दिली. पोलीस निरीक्षक अविनाश जाधव यांनी विद्यार्थ्यांना वाहतूक नियमांचे पालन आणि रस्ते सुरक्षेबाबत मार्गदर्शन केले. तर रोहित हिम्मत पाटील यांनी स्वयंअध्ययन, करिअर नियोजन आणि स्पर्धा परीक्षांच्या तयारीबाबत विद्यार्थ्यांना प्रेरणादायी मार्गदर्शन केले.
अध्यक्षीय भाषणात डॉ. शांताराम दाजीबा पाटील यांनी विद्यार्थ्यांना शिक्षणाचे महत्त्व, गुणवत्तापूर्ण शिक्षण आणि जीवनात यश मिळवण्यासाठी आवश्यक असलेल्या सवयींबाबत मार्गदर्शन केले.
कार्यक्रमाच्या शेवटी शैक्षणिक वर्ष 2025-26 मध्ये इयत्ता पाचवी ते दहावीच्या वार्षिक परीक्षेत प्रथम चार क्रमांक मिळविणाऱ्या गुणवंत विद्यार्थ्यांचा ट्रॉफी आणि प्रमाणपत्र देऊन गौरव करण्यात आला.
कार्यक्रमाचे सूत्रसंचालन एकनाथ राठोड यांनी केले, तर सी. एम. पाटील यांनी आभार मानले. कार्यक्रमाच्या यशस्वी आयोजनासाठी एस. आर. पाटील, शैलेश पाटील, हर्षवर्धन सूर्यवंशी, पी. डी. पाटील, उमेश विसावे, मनीषा वसावे, गणेश भागवत, सोनवणे आणि भूपेंद्र पाटील यांनी सहकार्य केले.
या शिक्षक-पालक मेळाव्यास पालक, विद्यार्थी आणि ग्रामस्थ मोठ्या संख्येने उपस्थित होते.
