पाचोड, प्रतिनिधी : डॉ. बाबासाहेब आंबेडकर मराठवाडा विद्यापीठ, छत्रपती संभाजीनगर यांनी श्री सतीश अप्पाराव तुपे यांना मराठी विषयातील “ग्रामीण कादंबरीतील प्रादेशिक जाणीवा : एक अभ्यास” या संशोधन विषयासाठी पीएच.डी. पदवी प्रदान केली आहे.
श्री तुपे यांनी सदर संशोधनकार्य शिवछत्रपती कला, वाणिज्य व विज्ञान महाविद्यालय, पाचोड येथील मराठी विभागप्रमुख प्रा. डॉ. संतोष चव्हाण यांच्या मार्गदर्शनाखाली पूर्ण केले. ग्रामीण कादंबरी या साहित्यप्रकारातील प्रादेशिकतेचे स्वरूप, ग्रामीण जीवनाचे वास्तव, लोकसंस्कृती, बोलीभाषा, सामाजिक-सांस्कृतिक संदर्भ आणि प्रदेशनिष्ठ जाणीवांचा सखोल अभ्यास या संशोधनात करण्यात आला आहे. मराठी ग्रामीण कादंबरीच्या अभ्यासाला या संशोधनामुळे नवी दिशा मिळणार असल्याचे मत साहित्य क्षेत्रातील जाणकारांनी व्यक्त केले आहे.
संशोधन प्रक्रियेदरम्यान श्री तुपे यांनी विविध ग्रामीण कादंबऱ्यांचे चिकित्सक विश्लेषण करून प्रादेशिक जाणीवांचे साहित्यिक आणि सांस्कृतिक पैलू उलगडून दाखविले आहेत. त्यांच्या या संशोधनकार्याची विद्यापीठाच्या तज्ज्ञ समितीकडून प्रशंसा करण्यात आली.
पीएच.डी. पदवी प्राप्त झाल्याबद्दल श्री सतीश तुपे यांचे सर्व स्तरांतून अभिनंदन होत आहे. याप्रसंगी मराठी विभाग प्रमुख डॉ. रमेश जाधव , प्रोफेसर डॉ. दासु वैद्य सर डॉ. कैलास अंभूरे,महाविद्यालयाचे प्राचार्य डॉ.चंद्रसेन कोठावळे प्रतिष्ठान महाविद्यालय पैठण येथील संशोधन केंद्राचे प्रमुख डॉ. बाबासाहेब आंबेडकर मराठवाडा विद्यापीठाच्या अभ्यास मंडळाचे अध्यक्ष डॉ. सर्जेराव जिगे प्राध्यापकवर्ग, संशोधक, मित्रपरिवार तसेच विविध शैक्षणिक व साहित्यिक क्षेत्रातील मान्यवरांनी त्यांचे अभिनंदन करून पुढील वाटचालीस शुभेच्छा दिल्या आहेत.
