वरवणे, पेण (रायगड) : शासकीय माध्यमिक आश्रमशाळा, वरवणे, पेण, रायगड येथे ८० वा भारतीय स्वातंत्र्य दिन उत्साहात व देशभक्तीपूर्ण वातावरणात साजरा करण्यात आला. कार्यक्रमाच्या सुरुवातीस उपस्थित मान्यवरांच्या हस्ते ध्वजारोहण करण्यात आले. यावेळी विद्यार्थी, शिक्षक व कर्मचारी मोठ्या संख्येने उपस्थित होते.
स्वातंत्र्य दिन तसेच ‘हर घर तिरंगा’ अभियानाच्या निमित्ताने विद्यार्थ्यांची भव्य प्रभात फेरी काढण्यात आली. विद्यार्थ्यांनी हातात तिरंगा घेऊन देशभक्तीपर घोषणा देत परिसरात जनजागृती केली. या प्रभात फेरीमुळे परिसरात राष्ट्रप्रेमाचे वातावरण निर्माण झाले.
याच निमित्ताने शाळेत चित्रकला व रांगोळी स्पर्धेत उत्कृष्ट कामगिरी करून विजेते ठरलेल्या विद्यार्थ्यांना उपस्थित मान्यवर, मुख्याध्यापक , अधिक्षक, अधिक्षिका,शिक्षक व मान्यवर यांच्या हस्ते बक्षीस वितरण करून गौरविण्यात आले.
कार्यक्रमाचे आयोजन शाळेचे मुख्याध्यापक श्री. एस. जे. जानकर यांच्या मार्गदर्शनाखाली करण्यात आले. शिक्षकवृंद व विद्यार्थ्यांनी कार्यक्रमाच्या यशस्वीतेसाठी विशेष परिश्रम घेतले.
देशभक्ती, कला आणि विद्यार्थ्यांच्या उत्स्फूर्त सहभागामुळे स्वातंत्र्य दिनाचा हा सोहळा अविस्मरणीय ठरला.
