व्हॉट्सॲप समूहाच्या माध्यमातून विवाह इच्छुकांना परिचयाची संधी; सध्या ४० वधू-वर समूहात सहभागी
भारत कवितके, प्रतिनिधी
महाराष्ट्र राज्य धनगर वधू-वर उत्कर्ष महामंडळाच्या वतीने धनगर समाजातील विवाह इच्छुक वधू-वरांसाठी मोफत परिचय सेवा सुरू करण्यात आली आहे. व्हॉट्सॲप समूहाच्या माध्यमातून ही सेवा राबविण्यात येत असून, समाजातील वधू-वरांच्या पालकांना या समूहात मोफत परिचयाची माहिती प्रसिद्ध करता येणार आहे, अशी माहिती महामंडळाचे संस्थापक अध्यक्ष रमेश सरगर यांनी मुंबई प्रतिनिधी भारत कवितके यांना दिली.
या उपक्रमात जातीय उपशाखा किंवा पोटशाखेचा भेद न करता संपूर्ण धनगर समाजाला एकत्र आणण्याचा प्रयत्न करण्यात येत आहे. ‘ना शाखा भेद, ना पोटशाखा भेद; धनगर सारा एक’ हा विचार घेऊन विवाह जुळविण्याची प्रक्रिया आनंदाने, सुरक्षिततेने आणि पारदर्शक पद्धतीने व्हावी, हा महामंडळाचा उद्देश आहे.
सध्या या व्हॉट्सॲप समूहात ४० वधू-वर सहभागी झाले आहेत. वधू-वरांच्या पालकांना आपल्या पाल्याचा परिचय समूहावर मोफत टाकता येणार आहे. धनगर समाजाचा विश्वास, पारदर्शकता आणि सुरक्षित भविष्य हेच महामंडळाचे ध्येय असल्याचे अध्यक्ष रमेश सरगर यांनी सांगितले.
या मोफत सेवेसाठी रमेश सरगर (मुंबई) ९७६९६१४८५९, लक्ष्मण बोगीर (नाशिक) ९१३७५३९८३६ आणि भारत कवितके (मुंबई) ८६५२३०५७०० यांच्याशी संपर्क साधावा. तसेच रंजना सरगर, ताराबाई बोगीर यांच्यासह महामंडळाच्या बॅनरवर नमूद केलेल्या राज्यातील प्रमुख गावांतील कार्यकर्त्यांशीही संपर्क साधण्याचे आवाहन करण्यात आले आहे.
