शहर प्रतिनिधी : जितेंद्र चांदगुडे
छत्रपती चौकातील रस्त्यावर मोठ्या प्रमाणात खडी पसरल्याने दुचाकीस्वारांना घसरण्याचा धोका निर्माण झाला होता. या ठिकाणी दुचाकी घसरण्याचे प्रकार घडत असल्याने नागरिकांच्या सुरक्षिततेचा प्रश्न निर्माण झाला होता.
समस्या गंभीर असतानाही प्रशासनाकडून तातडीची कार्यवाही होण्याची वाट न पाहता सामाजिक कार्यकर्ते व नगरसेवक सचिन गायकवाड यांनी पुढाकार घेत सोनू साडेकर यांच्या श्रमदानातून रस्त्यावरील खडी साफसफाई करून घेतली. रस्त्यावर पसरलेली खडी व्यवस्थित हटवून वाहतुकीसाठी मार्ग सुरक्षित करण्याचे काम करण्यात आले.
कै. बाबुराव (तात्या) गायकवाड प्रतिष्ठानचे अध्यक्ष तथा नगरसेवक सचिन गायकवाड यांच्या या तत्परतेमुळे वाहनचालकांना मोठा दिलासा मिळाला असून, नागरिकांनी त्यांच्या पुढाकाराचे कौतुक केले आहे. सार्वजनिक ठिकाणी निर्माण झालेल्या समस्येकडे केवळ प्रशासनाच्या कारवाईची प्रतीक्षा न करता नागरिकांनीही सामाजिक बांधिलकीतून पुढाकार घेण्याचे हे उदाहरण ठरले आहे.
दरम्यान, रस्त्याची समस्या कायमस्वरूपी दूर करण्यासाठी संबंधित प्रशासनाने परिसराची पाहणी करून आवश्यक ती उपाययोजना करावी, अशी मागणी नागरिकांकडून होत आहे.
