सांगली प्रतिनिधी : तासगांव होनाई न्यूजच्या चौथ्या वर्धापन दिनानिमित्त आयोजित करण्यात आलेला ‘कर्तृत्ववान महिला पुरस्कार’ सोबतच वेगवेगळ्या क्षेत्रात उल्लेखनीय कामगिरी केल्याबद्दल विविध क्षेत्रातील महिला व पुरुषांना पुरस्कार देण्यात आले.
हा वितरण सोहळा काल उत्साहपूर्ण वातावरणात संपन्न झाला. या सोहळ्यात विविध क्षेत्रांत उल्लेखनीय कार्य करून समाजात आपली वेगळी ओळख निर्माण करणाऱ्या कर्तृत्ववान महिलांचा सन्मान करण्यात आला.
या पुरस्कार सोहळ्यात सुजाता अशोक पवार, रा. सांगलीवाडी यांना त्यांच्या उल्लेखनीय कार्याची दखल घेऊन ‘कर्तृत्ववान महिला पुरस्कार’ देऊन सन्मानित करण्यात आले.
बदलत्या सामाजिक व राजकीय परिस्थितीत महाराष्ट्राच्या सर्वांगीण विकासासाठी महिलांचे योगदान अत्यंत महत्त्वाचे आहे. समाजासाठी प्रेरणादायी आणि उल्लेखनीय कार्य करणाऱ्या महिलांच्या कार्याची दखल घेऊन त्यांना सन्मानित करण्याच्या उद्देशाने या पुरस्कार सोहळ्याचे आयोजन करण्यात आले होते.
या कार्यक्रमाचे आयोजन मा. श्री. आबा लोखंडे संपादक होनाई न्यूज यांच्या मार्गदर्शनाखाली करण्यात आले. कार्यक्रमास विविध क्षेत्रांतील मान्यवर उपस्थित होते. यावेळी उपस्थित मान्यवरांनी पुरस्कारार्थींच्या कार्याचे कौतुक करून त्यांच्या पुढील वाटचालीस शुभेच्छा दिल्या.
होनाई न्यूजच्या चौथ्या वर्धापन दिनानिमित्त आयोजित करण्यात आलेल्या या सोहळ्यामुळे समाजात उल्लेखनीय कार्य करणाऱ्या महिलांना प्रेरणा व प्रोत्साहन मिळणार असल्याची भावना उपस्थितांनी व्यक्त केली.
