पत्रकार कैलासराजे घरत खारपाडा पेण
“मराठी सारस्वतावर शोककळा डॉ.यास्मिन शेख (२१ जून १९२५ – २४ ऑगस्ट २०२६) या मराठी भाषेच्या अत्यंत प्रसिद्ध आणि ज्येष्ठ व्याकरण-तज्ज्ञ, लेखिका व भाषाशास्त्रज्ञ होत्या. त्यांनी आपले संपूर्ण जीवन मराठी भाषेचे नियम सुलभ करण्यासाठी आणि तिचे संवर्धन करण्यासाठी समर्पित केले होते. २४ ऑगस्ट २०२६ रोजी पुण्यात वयाच्या १०१ व्या वर्षी त्यांचे वृद्धापकाळाने निधन झाले. भावपूर्ण श्रद्धांजली.मराठी भाषेचा सर्वश्रेष्ठ सांस्कृतिक वारसा जपणाऱ्या, व्रतस्थ वृत्तीने व्याकरण आणि भाषाशास्त्रासाठी आपले जीवन वाहून घेतलेल्या ज्येष्ठ अध्यापिका, लेखिका प्रा. यास्मिन शेख यांचे निधन झाले. त्यांच्या जाण्याने मराठी भाषा, साहित्य आणि शिक्षण क्षेत्राची कधीही भरून न येणारी हानी झाली आहे.
त्या ज्येष्ठ साहित्यिक प्रा.श्री. म. माटे यांच्या विद्यार्थिनी होत्या. त्यांनी शाळा आणि महाविद्यालयात तब्बल 34 वर्षे अध्यापन केले. मुंबईच्या शिव येथील एस.आय.ई.एस. महाविद्यालयात त्यांनी सहा वर्षे मराठी विभागप्रमुख म्हणून आपली सेवा बजावली.
त्यांनी शासनाच्या ‘स्टेट इन्स्टिट्यूट ऑफ ॲडमिनिस्ट्रेटिव्ह करिअर’ मध्ये आयएएस परीक्षेच्या विद्यार्थ्यांना 10 वर्षे व्याकरण व भाषाशास्त्राचे मार्गदर्शन केले. “भाषा हा सर्वश्रेष्ठ सांस्कृतिक वारसा आहे; तो जपणे, समृद्ध करणे हे आपले कर्तव्य आहे,” हा विचार त्यांनी आयुष्यभर जपला आणि रुजवला.
बालभारतीला दिले अमूल्य योगदान
बालभारतीच्या मराठी पाठ्यपुस्तकांचे त्यांनी इतर सदस्यांच्या सहकार्याने सात वर्षे संपादन केले. बालभारतीच्या संशोधन विभागातर्फे प्रसिद्ध झालेल्या ‘कार्यात्मक व्याकरण’ या गाजलेल्या पुस्तकाच्या निर्मितीत त्यांचा सिंहाचा वाटा होता. त्या ‘अंतर्नाद’ मासिकाच्या व्याकरण सल्लागार म्हणूनही कार्यरत होत्या.त्यांच्या या अतुलनीय कार्याची दखल घेऊन राज्य शासनाच्या वतीने त्यांना डॉ.अशोक केळकर सन्मान प्रदान करून गौरविण्यात आले होते.यास्मिन शेख यांच्या पवित्र स्मृतीस भावपूर्ण श्रद्धांजली.
*ईश्वर त्यांच्या आत्म्यास शांती देवो.महाराष्ट्र भूषण जेष्ठ सामाजिक कार्यकर्ते पत्रकार कैलासराजे घरत यांनी दुख व्यक्त करून भावपूर्ण श्रद्धांजली अर्पण केली.
