सातारा वाई.
प्रतिनिधी- नित्यानंद मोरे.
वाई तालुक्यातील शिरगाव येथे दिनांक २३/८/२०२६ रोजी सामाजिक क्षैत्रात मोलाचे योगदान देण्याच्या उद्देशाने “धम्म राज सामाजिक संस्थेची”अधिकृत स्थापन करण्यात आली आहे. धम्म राज सामाजिक संस्थेच्या माध्यमातून शिरगाव तसेच इतरही गावातील वंचित घटकांना न्याय मिळवून देणे तसेच अनेक सामाजिक उपक्रम राबवून सामाजिक हित जोपासण्याचा संकल्प करण्यात आला आहे.
संस्थेच्या स्थापना सोहळ्याप्रसंगी सर्व परिसरातील अनेक मान्यवर ग्रामस्थ तरूण मोठ्या संख्येने उपस्थित होते. शिरगावचे सरपंच सौ.दैवता भोसले यांच्या हस्ते फलकाचे अनावरण करण्यात आले.यावेळी पोलिस पाटील उज्वला भोसले, दिलीप सर, पंचायत समिती सदस्य मधुकर भोसले, डॉ.महेश शिंदे, तसेच धम्म राज सामाजिक संस्थेचे संस्थापक अध्यक्ष श्री.राजेंद्र कांबळे, उपाध्यक्ष श्री. प्रदीप कांबळे, सचिव श्री.आनंदा शेरे सर्व सदस्य ग्रामस्थ अनेक मान्यवर मोठ्या संख्येने उपस्थित होते.
यावेळी संस्थेच्या संस्थापकांनी तसेच सदस्य पदाधिकारी यांनी धम्म राज सामाजिक संस्था ही सर्व सामान्य तळागाळातील वंचित घटकांना “आरोग्य , शिक्षण, पर्यावरण ,सामाजिक न्याय, तसेच गावचा सर्वांगीण विकास यासाठी सर्वोतोपरी कटीबद्ध राहिल असे सांगण्यात आले.
या नवनवीन उपक्रमांमुळे शिरगाव तसेच संपूर्ण वाई तालुक्यातून संस्थेच्या स्थापनेचे स्वागत होत असून संस्थेच्या पुढील वाटचालीसाठी सर्वच स्तरावरून शुभेच्छा देण्यात आल्या.
