सासकल : सासकल येथे राजे उमाजी नाईक तरुण मंडळाच्या वतीने आगामी ७ सप्टेंबर रोजी राजे उमाजी नाईक जयंती मोठ्या उत्साहात साजरी करण्याची तयारी सुरू झाली आहे. यानिमित्ताने राजे उमाजी नाईक तरुण मंडळाची बैठक नुकतीच पार पडली.
बैठकीत जयंती सोहळ्याचे नियोजन, कार्यक्रमाची रूपरेषा तसेच विविध उपक्रमांबाबत चर्चा करण्यात आली. दरवर्षीप्रमाणे यंदाही जयंती उत्साहात व विविध कार्यक्रमांनी साजरी करण्याचा निर्णय मंडळाच्या सदस्यांनी घेतला.
या बैठकीस कमलाकर आडके, उमाजी आडके, दौलत मदने, सासकल गावचे सरपंच मंगेश मदने, सचिन मदने, सुरज मदने, महादेव आडके, किरण आडके, तेजस आडके, नवनाथ मदने, सागर मदने, शंकर मदने, शिवाजी मदने, बापूराव खोमणे आदी उपस्थित होते.
जयंती सोहळ्यात गावातील नागरिक, युवक व राजे उमाजी नाईक यांचे अनुयायी मोठ्या संख्येने सहभागी होणार असल्याचे मंडळाच्या वतीने सांगण्यात आले.
