सातारा जिल्ह्यातील खटाव तालुक्यातील आंबवडे येथे श्रावण मासानिमित्त भव्य कुस्ती मैदानाचे आयोजन करण्यात आले आहे. या कुस्ती मैदानात परिसरातील नामवंत पैलवानांच्या चुरशीच्या कुस्त्यांचा थरार पाहायला मिळणार असून, कुस्तीप्रेमींमध्ये मोठी उत्सुकता निर्माण झाली आहे.
या कार्यक्रमास प्रमुख उपस्थिती म्हणून पिंटू पैलवान, जिल्हा परिषद सदस्य निमसोड गट तसेच सातारा जिल्हा कुस्ती परिषद उपाध्यक्ष उपस्थित राहणार आहेत. यासोबतच पंचायत समिती सदस्य वाघ साहेब, माजी पंचायत समिती सदस्य मोहन बुदे, खटाव तालुका बाजार समितीचे सभापती पवार साहेब यांचीही विशेष उपस्थिती राहणार आहे.
कार्यक्रमाला परिसरातील नामवाजलेले पंचमंडळी, जाणकार मंडळी, वस्ताद व पैलवान, तसेच आंबवडे गावचे सरपंच, उपसरपंच आणि ग्रामपंचायत सदस्य उपस्थित राहणार आहेत. निमसोड गावचे युवा नेते नंदकुमार मोरेदादा यांचीही प्रमुख उपस्थिती राहणार आहे.
या भव्य कुस्ती मैदानाच्या माध्यमातून ग्रामीण भागातील कुस्ती परंपरेला प्रोत्साहन मिळणार असून, नवोदित पैलवानांना आपले कौशल्य दाखविण्याची संधी मिळणार आहे. त्यामुळे परिसरातील सर्व कुस्तीप्रेमींनी मोठ्या संख्येने उपस्थित राहून या कुस्ती मैदानाचा आनंद घ्यावा, असे आवाहन आयोजकांकडून करण्यात आले आहे.
