श्री संत अवलिया महाराज संस्थान, काळामाथा (उमरदरी) येथे श्रावणसोमवार महाआरती व महाप्रसादाने उत्साहात सांगता!

मालेगाव/उमरदरी (प्रतिनिधी) :आलोक बांडे मो. नं 9623582185
पवित्र श्रावण महिन्यातील प्रत्येक सोमवारी श्री संत अवलिया महाराज संस्थान, काळामाथा (उमरदरी) येथे भाविकांच्या अलोट गर्दीत महाआरतीचे आयोजन करण्यात आले होते. या मालिकेची आज श्रावण महिन्याच्या शेवटी सांगता झाली. यानिमित्त संस्थानच्या वतीने विविध धार्मिक कार्यक्रमांचे आयोजन करण्यात आले होते.

श्रावण महिन्यातील प्रत्येक सोमवारी श्री मोहन सेवा राठोड आणि श्री ओमप्रकाश मोहन राठोड यांच्या सौजन्याने दर्शन घेण्यासाठी येणाऱ्या समस्त भाविक भक्तांना महाप्रसाद म्हणून ‘हुसळ’ (मटकी/उसळ) वाटप करण्यात आली. या धार्मिक व सामाजिक उपक्रमात शेकडो भाविकांनी सहभाग घेऊन महाप्रसादाचा लाभ घेतला.

या भक्तिमय सोहळ्यादरम्यान श्री संत अवलिया महाराज मंदिराचे अध्यक्ष श्री रामेश्वरआप्पा गोंडाळ आणि सर्व विश्वस्त मंडळींच्या हस्ते श्री मोहन सेवा राठोड व श्री ओमप्रकाश मोहन राठोड यांचा यथोचित सत्कार करण्यात आला. श्रावण महिन्यातील प्रत्येक सोमवारी अत्यंत शिस्तबद्ध व भक्तिभावाने पार पडलेल्या या महाआरती व महाप्रसाद सोहळ्याच्या सांगता सोहळ्याने पंचक्रोशीतील वातावरण भक्तीमय झाले होते.