ठाणे : अडावळे बुद्रुक ग्रामपंचायत परिसरातील नागरिकांच्या सोयीसाठी ठाणे ते अडावळे बुद्रुक अशी थेट बससेवा आज, दि. १२ सप्टेंबर २०२६ रोजी रात्री ११ वाजता खोपट बसस्थानकावरून सुरू करण्यात येणार आहे.
या बससेवेच्या उद्घाटनासाठी महाराष्ट्र राज्याचे परिवहन मंत्री मा. श्री. प्रताप सरनाईक यांना लेखी स्वरूपात निमंत्रण देण्यात आले आहे. त्यांच्या स्वीय सहाय्यकांनीही सदर कार्यक्रमाची नोंद आपल्या कार्यक्रमाच्या यादीत केली आहे.
बससेवेच्या उद्घाटन कार्यक्रमासाठी समाज बांधवांनी आज रात्री सव्वा दहा वाजेपर्यंत खोपट बसस्थानकावर उपस्थित राहावे, असे आवाहन करण्यात आले आहे. या महत्त्वपूर्ण बससेवेच्या शुभारंभ कार्यक्रमास उपस्थित राहून कार्यक्रमाची शोभा वाढवावी, अशी नम्र विनंती आयोजकांकडून करण्यात आली आहे.
दरम्यान, ठाणे येथून सुरू होणारी सदर बस अडावळे बुद्रुक ग्रामपंचायत येथे सकाळी ६ वाजता पोहोचणार आहे. त्यामुळे नागरिकांसाठी ही थेट बससेवा अत्यंत सोयीची ठरणार असून, प्रवाशांनी याची नोंद घ्यावी, असे आवाहन करण्यात आले आहे.
