पूजेसह महिलांचे भक्तिगायन, मान्यवरांचा सत्कार आणि गणेशभक्तांसाठी भंडाऱ्याचे आयोजन
मुंबई कांदिवली पश्चिम / प्रतिनिधी :
कांदिवली पश्चिम येथील श्री सिद्धिविनायक मित्र मंडळाच्या वतीने गुरुवार, २४ सप्टेंबर २०२६ रोजी श्री सत्यनारायण पूजेचे आयोजन करण्यात आले. के. डी. कंपाऊंड, गांधी नगर, कांदिवली पश्चिम येथील गणेश मंडपात सायंकाळी ४ वाजता ही पूजा पार पडली.
सालाबादप्रमाणे यंदाही आयोजित करण्यात आलेल्या या धार्मिक कार्यक्रमात श्री सत्यनारायण पूजा, मान्यवरांचे स्वागत व सत्कार, महिलांचा भक्तिगायन कार्यक्रम तसेच विभागातील गणेशभक्तांसाठी भंडारा अशा विविध उपक्रमांचे आयोजन करण्यात आले होते. या कार्यक्रमाला परिसरातील गणेशभक्तांनी उत्स्फूर्त सहभाग नोंदविला.
यावेळी श्री सिद्धिविनायक सहकारी गृहनिर्माण संस्थेचे अध्यक्ष विजय पाल, महासचिव भारत कवितके, मंडळ अध्यक्ष प्रवीण पाल, कुमार सुगावे, संजय कुंभार, संजय सूर्यवंशी, राम अवतार प्रजापती, पिंटू वर्मा, मुकेश गुप्ता, उदयराज यादव, अच्छेलाल यादव, नन्हेलाल पाल, सुनयना गुप्ता, संत गुप्ता, मंगल भोजणे यांच्यासह मंडळाचे पुरुष व महिला पदाधिकारी तसेच गणेशभक्त मोठ्या संख्येने उपस्थित होते.
धार्मिक आणि सामाजिक उपक्रमांच्या माध्यमातून परिसरातील नागरिकांना एकत्र आणण्याचा उपक्रम मंडळाच्या वतीने राबविण्यात आला.
