वासराला सुखरूप बाहेर काढत योग्य उपचार; पशुपालकाला दिला धीर
प्रतिनिधी : बालाजी म्हेत्रे यांच्या शेतातील म्हैशीच्या प्रसूतीदरम्यान अडचण निर्माण झाल्याने पशुवैद्यकीय डॉक्टर डॉ. संजय कलवले यांनी तत्काळ उपचार केले. प्रसूतीपूर्वी वासराचा काही भाग बाहेर आला होता. डॉ. कलवले यांनी प्रयत्नपूर्वक वासराला सुखरूप बाहेर काढून त्याच्यावर आवश्यक औषधोपचार केले. तसेच म्हैशीवरही योग्य उपचार करून पशुपालक बालाजी म्हेत्रे यांना धीर दिला. त्यांच्या तत्परतेचे कौतुक होत आहे.
