बारामती पूल येथे क्रेनच्या सहाय्याने गणेशमूर्तींचे विसर्जन; विविध विभागांच्या समन्वयातून विसर्जन सोहळा सुरळीत
फलटण : प्रतिनिधी
फलटण नगरपरिषदेच्या वतीने गणेशोत्सव विसर्जनासाठी बारामती पूल येथे नेटके नियोजन करण्यात आले होते. मुख्याधिकारी निखिल जाधव तसेच नगराध्यक्ष समशेरदादा नाईक निंबाळकर यांच्या मार्गदर्शनाखाली फलटण शहरातील गणेश विसर्जनाची व्यवस्था करण्यात आली.
फलटण शहरातील विविध गणेशोत्सव मंडळांनी बारामती पूल येथे गणेशमूर्तींचे विसर्जन केले. यावेळी नगरपरिषदेच्या वतीने क्रेनच्या सहाय्याने गणेशमूर्ती विसर्जनाची सुविधा उपलब्ध करून देण्यात आली होती. त्यामुळे गणेश मंडळांना विसर्जन प्रक्रिया सुलभ आणि सुरक्षितपणे पार पाडता आली.
विसर्जनाच्या पार्श्वभूमीवर नगरपरिषदेच्या आरोग्य विभाग, पाणीपुरवठा विभाग, वसुली विभाग, बांधकाम विभाग आणि विद्युत विभागाच्या वतीने आवश्यक त्या सुविधा उपलब्ध करून देत नियोजन करण्यात आले होते.
यावेळी आरोग्य विभाग प्रमुख विनोद अशोक जाधव, संतोष घाडगे, अजय सस्ते, विनोद अहिवळे, सचिन घोलप, शंकर जाधव, मंगेश माने, रुपेश इंगळे, सारंग गलियाल, दिनेश मुळीक, रवींद्र मदने, विश्वराज कदम, अक्षय ढेंबरे, अरमान सुभेदार, आकाश गोडसे, अविनाश जाधव, प्रवीण इंगळे, श्रीकांत जाधव, शिव भोला काकडे, सचिन काकडे यांच्यासह नगरपरिषदेचे कर्मचारी उपस्थित होते.
गणेश विसर्जनाच्या काळात विविध विभागांनी समन्वयाने काम केल्यामुळे विसर्जन प्रक्रिया सुरळीतपणे पार पडली. नगरपरिषदेच्या या नियोजनाबद्दल फलटण शहरवासीयांनी नगरपरिषद प्रशासनाचे आभार व्यक्त केले.
