वाशिम येथील बैठकीत नियुक्ती; जिल्हाध्यक्ष चंद्रकांतदादा ठाकरे यांच्या हस्ते सत्कार
रिसोड (प्रतिनिधी) : राष्ट्रवादी काँग्रेस पार्टीच्या रिसोड शहराध्यक्षपदी गोपाल मगर यांची नियुक्ती करण्यात आली. वाशिम येथे झालेल्या पक्षाच्या बैठकीत जिल्हाध्यक्ष चंद्रकांतदादा ठाकरे यांच्या हस्ते गोपाल मगर यांना नियुक्तीपत्र देण्यात आले.
यावेळी पक्ष कार्यालयात गोपाल मगर यांचा शाल व श्रीफळ देऊन सत्कार करण्यात आला. पक्षाच्या संघटनात्मक कामकाजाला बळकटी देण्यासाठी तसेच शहरातील पक्षाची संघटना अधिक मजबूत करण्यासाठी सक्रियपणे काम करण्याचा विश्वास यावेळी व्यक्त करण्यात आला.
कार्यक्रमास तालुकाध्यक्ष तेजराव वानखेडे, गजाननराव आरू, अल्ताफ घनकर, युवक शहराध्यक्ष गोपाल मोरे, भारत गुंजकर, अशोक उलमाले, संजय गायकवाड, प्रशांत नगरकर यांच्यासह पक्षाचे पदाधिकारी व कार्यकर्ते उपस्थित होते.
